Sulmi kibernetik i Iranit në sistemet e Policisë së Shtetit detyron Ministrinë e Brendshme të shtojë me 7.6 herë fondin për investimet në teknologji në buxhetin e vitit të ardhshëm, krahasuar me atë të vitit 2022. Gjatë prezantimit të projektbuxhetit në Komisionin e Sigurisë Kombëtare, Çuçi tha se një fond shtesë do të ketë edhe nga AKSHI.
"Kapërcim kolosal për buxhetin e mbrojtjes kibernetike. Nëse në 2022 në teknologji të brendshëm, pa donatorë, kanë qenë 72 mln lekë, në vitin 2023 janë 547 mln lekë, mbi shtatë herë rritje me 2021. Pajisje me teknologji informacioni, dhe në veçanti për mbrojtjen kibernetike. Përveç buxhetit tonë, për Policinë e Shtetit do të financoj edhe AKSHI me fondet e veta, 278 mln lekë", tha Çuçi.
Pjesë e buxhetit 24.1 miliardë lekë, që rritet me 14% në krahasim me vitin 2022, do të jetë edhe rritja e pagave për punonjësit e Policisë së Shtetit.
“Kemi bërë një rritje prej 15% nga e cila përfitojnë jo pak por rreth 75% e trupës policore. Kjo është një rritje dyfish më shumë krahasuar me pjesën tjetër të administratës që përfitoi vetëm 7%, por plotësisht e justifikuar sepse punonjësit e Policisë së Shtetit përballen me vështirësi të jashtëzakonshme për të garantuar jetën dhe pronën e qytetarëve”, tha ministri Çuçi.
Opozita i kërkoi ministrit arsyen e shkakrimit të Gledis Nanos, teksa kujtoi edhe statusin e ambasadores Yuri Kim që e cilësonte partner të fortë të SHBA.
“Kemi kërkuar prezencën në mënyrë urgjente të ministrit të Brendshëm lidhur me situatës së rendit dhe shkarkimin e Gledis Nanos. E kërkuam këtë seancë urgjente sepse po atë ditë, aleati ynë strategjik, SHBA, ambasadorja Yuri Kim, në një status qartësonte se Nano ishte partner i fortë me shumë kontribute. Nëse nuk ishin interesat e aleatit strategjik, kush ishin interesat që e shkarkuan?” – tha Xhaferri.
“Shkarkimi dhe emërimi i drejtorit të Përgjithshëm është administrative dhe çdo procedurë është bërë sipas ligjit. E dyta, lidhet me partneritetin tonë, me SHBA. Ju garantoj dhe jam i bindur që edhe ju e dini po kaq mirë se s’ka asnjë përplasje me partnerin tonë strategjik”, iu pwrgjigj Çuçi.
Çuçi u pyet edhe për vdekjen e Lear Kurtit dhe statistikat e të vdekurve në duart e Policisë së Shtetit, por nuk dha përgjigje, teksa deklaroi rikthim të kamerave të trupit tek policët.
“Kamerat e trupit e kanë sistemin e ngritur dhe fondi nuk është shumë i madh, por tërësisht i përballueshëm brenda buxhetit të vitit 2023. Është në nivelin e 60 milionë lekëve në vit, një shumë që mund të përballohet nga buxheti i shtetit”, tha Çuçi.
Projektbuxheti i Ministrisë së Brendshme për vitin 2023 u miratua në parim vetëm me votat e mazhorancës.
Duke iu referuar vdekjes së Lear Kurtit, ministri i Brendshëm Bledi Çuçi zgjodhi të mos japë një përgjigje konkrete për numrin e personave që kanë humbur jetën në duart e policisë apo në komisariate. Ai u shpreh se nuk do të japë një numër statistikë.
Ndër të tjera foli për fondin për kamerat e trupit tek efektivët duke thënë i përballueshëm brenda buxhetit 2023.
“Nuk është thjesht statistikë, kërkon një metodologji të saktë dhe nuk dua të spekuloj për të dhënë një numër statistikë në rastin që nuk është e qartë. Fondi për kamerat e trupit është me sistem të ngritur, nuk është shumë i madh, tërësisht i përballueshëm brenda buxhetit të 2023 dhe është në nivelin e 60 milionë lekësh në vit, tërësisht që përballohet nga buxheti i shtetit. Trajnime janë të vazhdueshme për policinë, fillojnë nga Akademia e Sigurisë dhe buxheti që ka Akademia është edhe ai me rritje dhe besoj se me këtë rritje do të shtohen kurrikulat e trajnimit, por nuk është vetëm Akademia.
Ne kemi marrëdhënie me partnerët, amerikanët dhe jo vetëm, për programe të vazhdueshme për trajnimet. Për uniformat, buxheti i 2023 mbulon 100 përqind të gjithë nevojën për uniformave. Ndryshimi është bërë prej kohësh për uniformat tashmë dhe duket. Sigurimi i jetës së punonjësve në rrezik nuk është bërë ndonjëherë por është në vëmendje të Ministrisë së Brendshme për ta bërë në vijim. Rritja me 15% e pagave të Policisë së Shtetit është rritje e mirë brenda një viti, mendoj unë”, tha Çuçi.
Në Komisionin për Sigurinë, deputeti demokrat Ervin Salianji tha para ministrit të Brendshëm një ndër ankesat që dëgjon prej punonjësve të policisë se nuk marrin pagesat e largësisë.
Salianji nuk ka besim se dronët dhe satelitët do të ndihmojnë për ndërtimet pa leje.
“Më thonë punonjës policie që nuk i marrin pagesat e largësisë nga puna me pretekste të ndryshme. Ju thatë që territori do kontrollohet më mirë me satelitët, edhe pse nuk shihni as 100 metër larg godinës suaj. Sa është numri i ndërtimeve pa leje që keni konstatuar? Unë nuk besoj se dronët dhe satelitët do të bëjnë punë. Dështim është mos kontrolli i territorit dhe mos zbulueshmëria e krimeve të ndodhura. Ju thatë që AMP ka 3% buxhet, dhe nuk është pak. Për ne është shqetësim që ju i jepni një drejtuesi besim që është akuzuar penalisht, që edhe letrën e dorëheqjes e bëri me 100 gabime, që thotë Klodian Rasha kishte pistoletë, që manipuloi ngjarjen në Elbasan, që tek ngjarja e fundit është e paqartë shkoi apo jo gjallë në spital. Duhet të tentojmë kontrollit e territorit dhe të kriminalitetit”, tha Salianji.
Ministri i Brendshëm, Bledi Çuçi u shpreh në Komisionin e Sigurisë se do të rifusin sistemin e kamerave të trupit për disa efektivë. Sa i përket kontrollit të ndërtimeve pa leje, Çuçi tha se të gjithë po e blejnë pronën e vet me çmime të larta dhe për këtë bëri krahasimin “sa frëngu pulën”.
Salianji: Si mendoni ta kontrolloni territorin, ndërtimet pa leje që policia nuk ndërhynë. Çfare e pengon policinë që ti bllokoj njëlloj siç bllokon fukarenjtë për dritaret pa leje? Ju duhen para shtesë për këtë? Kur nuk kontrolloni ndërtime pa leje në 100 m larg ministrisë suaj, e kontrolloni dot territorin me kanabis në vende malore?
Çuçi: Jemi ne dhe jo ju që po konfiskojmë dhe po bëjmë ta blejnë sa frëngu pulën pronën e vet ata ndërtues që ndërtojnë pa leje. Si mund t’i mbroj qeveria ata ndërtues kur ia konfiskon dhe e çon në prokurori. Do të kemi ndryshim rrënjësor të situatës me satelitët dhe me dronët. Do të rifusim sistemin e kamerave të trupit për një pjesë të efektivëve të policisë.
Ministri i Brendshëm, Bledi Çuçi ka bërë me dije se përveç buxhetit të 2023 për mbrojtjen kibernetike, do të financojë edhe AKSHI me fondet e veta në shifrën 278 milionë lekë.
“Sot fillojmë buxhetin, por në një periudhë lufte dhe Shqipëria nuk ka se si të mos preket. Jemi përballur nga një sulm kibernetik ardhur nga një shtet i cili tashmë besoj se nuk ka asnjë mëdyshje që është i përfshirë dhe është pas sulmeve që kemi pësuar në sisteme dhe disa kanë qenë edhe të policisë. Në buxhetin e 2023-shin kemi pasur parasysh edhe këto pasoja, përballimin e inflacionit të luftës dh forcimin e mbrojtjes së sistemeve të Policisë së Shtetit. Në buxhetin 2023, për Policinë e Shtetit, por jo vetëm, do të kemi rritje pagash dhe përkatësisht në lidhje me Policinë e Shtetit, rreth 74% e numrit të punonjësve, ku përfshihet niveli bazë, rritja e pagës do të jetë 15%. Nga rritjet më të mëdha që ka pasur brenda një buxheti.
Rritje pagash në 7% për Gardën e Republikës dhe Agjencia e Mbikëqyrjes Policore në 13%. Rritje pagash edhe për zjarrfikësit me 7%. Së fundi, për punonjësit e tjerë të Ministrisë së Brendshme, do të kemi rritje page 7%.
Kapërcim kolosal për buxhetin e mbrojtjes kibernetike. Nëse në 2022 në teknologji të brendshëm, pa donatorë, kanë qenë 72 milionë lekë, në vitin 2023 janë 547 milionë lekë, mbi shtatë herë rritje me 2021. Pajisje me teknologji informacioni, dhe në veçanti për mbrojtjen kibernetike. Përveç buxhetit tonë, për Policinë e Shtetit do të financoj edhe AKSHI me fondet e veta, 278 milionë lekë”, tha Çuçi.
Komente
Lajme të tjera
-
“Në 2025, 2 avionë për zjarret dhe stërvitje!” Xhaferraj përplasje me ministrin e Mbrojtjes në kuvend
11 Nëntor, 17:07
-
Sherr te Siguria, Xhaferraj sulmon Vengun: Një ministër kalama bën ironi, je për SPAK! Kapet dhe me Naçon: Prokurori i komunizmit më përmend Traktatin e Varshavës
11 Nëntor, 15:02 -
VanHorn takohet me Naçon dhe Xhaferaj, në fokus gatishmëria ushtarake dhe siguria në Ballkanin Perëndimor
8 Nëntor, 16:49 -
Ishte në SPAK për 21 janarin, Xhemal Qefalia tregon në 'Studio Live' çfarë u tha hetuesve: Jam i bindur që ndëshkimi për përgjegjësit e 4 të vrarëve do të vijë
31 Tetor, 18:17 -
Qefalia: Puna e SPAK vullnet i mazhorancës! Komisioni Xhafa do bëhet nën vëzhgimin e ndërkombëtarëve! Ergys Mërtiri: Negociatat u hapën jo për meritën tonë
31 Tetor, 18:06 -
Dosja e ’21-Janarit', SPAK pyet deputetin e PS, Xhemal Qefalia, një prej organizatorëve të protestës: U pyeta si protestues, shpresoj të zbardhet
31 Tetor, 09:32 -
Vlorë/ Ministrja Denaj prezanton Skemën Kombëtare të Investimeve në Bujqësi
21 Tetor, 17:05 -
Vlora nën ujë! Kolektorë të bllokuar dhe pompa të amortizuara, kush ka përgjegjësi për përmbytjet?! Çuçi: Verifikojmë çfarë nuk funksionoi
5 Tetor, 10:23 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Poli Hoxha parashikon: PS merr 100 mandate, PD 25, të tjerët 15! Xhemal Qefalia: Partia Demokratike e bashkuar me copëza, problem komunikimi me qytetarët
11 Shtator, 18:53 -
Ndizen motorët/ Drejtuesit politikë të PS dhe PD-së dhe në 12 qarqe! EMRAT, kush do të përballen në zgjedhjet e pranverës 2025
8 Shtator, 13:16 -
Zgjedhjet 2025/ Drejtuesit politikë të PS! Veliaj, Spiropali e Manastirliu në Tiranë, ikën Klosi e Gjiknuri! Becit i besohet Shkodra, Sakos Durrësi! Balla përgjegjës për Diasporën
8 Shtator, 12:19
Filloni ti paguani taksa amerikes dhe izraelit qe te na mbrojne nga sulmet kibernetike kur ne te vertete ata i orkestruan thjesht qe te izolojne Iranin dhe te na vjelin nga leket
Përgjigju