Deputetë të partive opozitare në seancën e së enjtes të Kuvendit të Kosovës, kanë kritikuar qeverisjen dyvjeçare nën udhëheqjen e kryeministrit të Kosovës, Albin Kurti. Ata kanë akuzuar Qeverinë se përgjatë këtyre dy vjetëve nuk ka arritur të adresojnë problemet me të cilët përballen qytetarët e Kosovës, dhe sipas tyre, nuk ka pasur ndryshime pozitive në Kosovë. Njhje de facto, de jure do të vijë më vonë, ky ka qenë zotimi i kryeministrit të Kosovës Albin Kurti në parlament pas rrebeshit të pyetjeve të deputetëve që kërkonin shpjegime në lidhje me hapat e Prishtinës zyrtare drejt pranimit të një propozimi, i cili ende nuk është bërë publik, por është zbardhur vetëm pjesërisht nga media të caktuara.
Largimi i qytetarëve për një jetë më të mirë ne vendet e Bashkimit Evropian, shkalla e lartë e papunësisë dhe varfërisë, janë disa nga problemet që deputetët të partive opozitare kanë theksuar.
“Asnjëherë më para nuk ka pasur radhë kaq të gjata të të rinjve kosovarë dhe e profesionistëve para ambasadave për ta lëshuar vendin”, tha deputetja e subjektit opozitar, Partisë Demokratike e Kosovës (PDK), Eliza Hoxha.
Ndërkaq, deputeti i partisë tjetër opozitare, Aleancës për Ardhmërinë e Kosovës (AAK), Besnik Tahiri, tha se me qeverisjen Kurti, Kosova është më e varfër.
Qytetarët e Kosovës, tha ai kanë humbur shpresën në këtë Qeveri dhe kanë marrë rrugën e mërgimit.
Sipas tij, vetëm në vitin 2022, në Ambasadën gjermane dhe atë zvicerane në Prishtinë kanë aplikuar për vizë mbi 130 mijë qytetarë të Kosovës.
“Brenda 10 vjetëve në Kosovë janë larguar 30 për qind e popullatës së Kosovës. Unë nuk e them që ky trend është vetëm tani. Por, kur ju thoni që kjo është Qeveria e shpresës, të dhënat që iu prezantova janë më shqetësuese se një vit paraprak, pra trendi është në rritje masive”, tha Tahiri.
Deputetja e subjektit opozitar, Lidhjes Demokratike të Kosovës (LDK), Hykmete Bajrami, ka pyetur kryeministrin Kurti se cilat janë sukseset në ekonomi dhe cila është reforma e vetme e cila është marrë në fushën e politikave fiskale.
“Ju keni dështuar të bëni një reformë të vetme fiskale, një projekt të vetëm sa i përket përmirësimit të ambientit të biznesit”, tha Bajrami.
Kryeministri i Kosovës, Albin Kurti, duke iu përgjigjur deputetëve, tha se përgjatë këtyre dy vjetëve kanë shënuar arritje të mëdha në drejtësi e punësim, pasi edhe aty ka qenë fokusi i tyre si Qeveri.
“Për të parën, të gjithë pajtohen se është bërë një punë e jashtëzakonshme e Policisë së Kosovës për luftimin e krimit të organizuar. Nga fillimi i mandatit janë realizuar mbi 850 operacione policore, mbi 3.200 persona të arrestuar - prej tyre 301 zyrtarë publik[, 69 grupe kriminale janë shkatërruar”, tha Kurti.
Sa i përket akuzave të deputetëve nga partitë opozitare për ikjen e të rinjve për shkak të keqqeverisjes, Kurti tha se janë duke punuar në vazhdimësi për secilin qytetar të vendit pa dallim dhe kanë për synim kthimin e besimit në institucione në shtet dhe ngritjen e mirëqenies sociale për ta zvogëluar migrimin.
“Nga fillimi i mandatit deri më sot, kemi mbi 40 mijë më shumë të punësuar”, tha Kurti.
Qeveria aktuale e Kosovës është formuar më 22 mars të vitit 2021. Lëvizja Vetëvendosje, lider i së cilës është kryeministri aktual, Albin Kurti, ka fituar 50.28 për qind të votave në zgjedhjet e parakohshme parlamentare të 14 shkurtit të vitit 2021.
Njhje de facto, de jure do të vijë më vonë, ky ka qenë zotimi i kryeministrit të Kosovës Albin Kurti në parlament pas rrebeshit të pyetjeve të deputetëve që kërkonin shpjegime në lidhje me hapat e Prishtinës zyrtare drejt pranimit të një propozimi, i cili ende nuk është bërë publik, por është zbardhur vetëm pjesërisht nga media të caktuara.
“Ky propozim parasheh normalizim të marrëdhënieve ndërkombëtare ku Republika e Kosovës dhe ajo e Serbisë njohin njëra tjetrën në formën de fakto. Një gjë e tillë duket e qartë në tekstin e marrëveshjes por një gjë e tillë është premtuar edhe nga shtetet e emisarëve që e kanë propozuar marrëveshjen si dhe vet Bashkimi Europian”, tha Kurti.
Sipas Kurtit, marrëveshja i vendos praktikisht Kosovën dhe Serbinë si dy entitete të barabarta.
“Serbia nuk do të mund ta kundërshtojë anëtarësimin e Kosovës në organizata ndërkombëtare. Njohje de jure e Serbisë nuk është në mënyrë eksplicite e shkruar në marrëveshje, por është pjesë sekuenciale e planit që do të arrihet në ndërkohë”, shtoi ai.
Kryeministri shpjegoi se Serbisë i është treguar këtë radhë qartazi se pa njohjen e Kosovës nuk do të anëtarësohet dot në Bashkimin Europian, gjë që siç theksoi ai, nuk ka qenë kusht i shkruar më parë.
Lajme të tjera
-
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Ngrihet aktakuzë në mungesë për krime lufte në Kosovë
23 Dhjetor, 11:01
