POP 5

Lajmet më të lexuara të 5 minutave të fundit

Debate të ashpra të hënën, krisje totale mes Tares dhe Lotito-s! Drejtori shqiptar po mendon dorëheqjen

Përfundimi i bashkpunimit mes Lazios dhe Igli Tares mund të mbyllet para përfundimit të kontratës. Drejtori sportiv nga Shqipëria po mendon dorëheqjen për shkak të konflikteve të vazhdueshme me presidentin e klubit si dhe presionet për vendin e punës.

Igli Tare dhe Lazio po shkojnë drejt mbylljes së bashkpunimit pas 14 vitesh. Mediat në Itali shkruajnë për një raport shumë të ndërlikuar mes palëve aq sa në mbrëmjes e së hënës, kur ishte edhe prezantimi i uniformave për sezonin e ri, Tare dhe Lotito kanë debatuar ashpër gjatë gjithë kohës.

Arsyeja kryesore është akumulimi i debateve përgjatë sezoneve të kaluara, por më së shumti përplasja për trajnerin Maurizio Sarri. Në një moment Tare i ka kërkuar Lotitos largimin e këtij të fundit, ndërsa edhe italiani është ankuar për drejtorin shqiptar.

Si të mos mjaftonin këto Lazio qëllimisht ka ngritur në detyrë Anxhelo Fabianin, i cili së fundmi është emëruar si drejtor i të rinjve dhe i sektorit të vajzave. Thashethemet thonë se Fabiani është zgjedhur edhe si pasuesi i Tares, i cili do emërohet vitin e ardhshëm.

Igli Tares i përfundon kontrata me Lazio-n në verën e 2023 dhe shanset për rinovim janë zero. Madje sipas ‘tuttomercatoëeb’ drejtori sportiv po mendon dorëheqjen edhe në këto çaste pavarësisht se arriti të blente ish-mbrojtësin e Milanit Alesandro Ramagnoli.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Kompanitë në proces të rikthimit, pas avarisë teknologjike

Kompanitë në proces të rikthimit, pas avarisë teknologjike

22 Korrik, 15:11