Do duhej të përfundonte në vitin 2022, por punimet për rrugën Vlorë-Orikum, ende nuk kanë nisur, e shkak për këtë janë përplasjet politike mes qeverisë dhe presidencës që së fundi janë konkretizuar në akuza publike mes vetë kryeministrit Edi Rama e kreut të shtetit Ilir Meta.
Ministrja e Financave, Anila Denaj, si kryetare e institucionit që ka negociuar marrëveshjen me Fondin Saudit të Zhvillimit, sqaroi në një konferencë për mediat, se përse rruga mbahet peng nga firma e Presidentit Ilir Meta.
Gjithçka nisi në 9 nëntor 2017 kur Kuvendi i Shqipërisë ratifikoi një marrëveshje me Fondin Saudit të Zhvillimit për të marrë një hua 30 milionë dollarë për ndërtimin e rrugës së lumit të Vlorës loti 4, marrëveshje kjo që u u dekretua nga presidenti Meta më 15 nëntor po të njëjtit vit.
Ishin 16.4 kilometra rrugë dhe synim ishte lidhja e dy segmenteve Levan – Tepelenë – Gjirokastër me rrugën Vlorë – Sarandë, si dhe lidhjen e rajonit të Tepelenës me bregdetin jugor. Por në projektin që Fondi Shqiptar i Zhvillimit bëri për këtë aks rrugor, vlera e tejkalonte atë të 30 milionë dollarëve që u morën hua. Kuvendi i Shqipërisë, me dakordësinë e Fondit Saudit, arriti në konkluzionin që huaja do mbetej e njëjtë, por projekti do ndryshonte për t’iu përshtatur kësaj vlere.
Pra ndërtimi i rrugës së re u ngushtua vetëm në aksin Vlorë-Orikum, dhe pikërisht ky ndryshim që Kuvendi i bëri marrëveshjes se 2017-ës, nuk është aprovuar ende nga presidenti.
“Nuk bëhet fjalë për marrjen përsipër të një detyrimi të ri financiar për republikën e Shqipërisë, jashtë parashikimeve buxhetore dhe termave të negociuar më parë. Analiza e vlerësimit të projektit të parë të Lotit 4 të rrugës së Lumit të Vlorës, e kryer nga autoriteti përgjegjës Fondi Shqiptar i Zhvillimit, i cili nxori një vlerë më të lartë, se sa vlera e huas dhe vetë projektin e parë jo ekonomik. Ky është një rialokim i një detyrimi të siguruar me marrëveshje ndërkombëtare të ratifikuar në Kuvend me ligj të veçantë. Ajo që kërkohet të arrihet është që me të njëjtin fond dhe burim financiar, të negociuar dhe siguruar sipas parashikimeve kushtetuese dhe ligjore, të realizohet një projekt infrastrukturor, ne te njëjtin qark”, sqaroi ministrja.
Meta akuzoi qeverinë se nuk ka pasur grup negociator për këto ndryshime, por edhe për këtë Denaj ka një përgjigje.
“Për këto marrëveshje mes palëve nuk janë zhvilluar negociata, palët janë dakordësuar dhe nevoja për grup negociator nuk ka qenë e nevojshme. Kjo shkresë konfirmon përsëri firmën e zotit President në përputhje të plotë ligjore për të lëshuar autorizimin, sikurse në rastin konkret kërkojmë prej disa muajsh”, tha ministrja.
Marrëveshja u propozua të ndryshohet në gusht 2020 dhe u votua në Parlament në shtator të vitit që lamë pas, por prej rreth 4 muajsh ndryshimet vijojnë të mbeten në presidencë duke mos u dekretuar.
Pas pyetjeve të ngritura nga institucioni i presidencës për ligjshmërinë e marrëveshjes së huasë me Fondin Saudit të Zhvillimit, si dhe thirrjes që qeveria të mos pengojë investimin, ka reaguar përsëri ministrja e Financave Anila Denaj.
Ministrja shkruan në facebook, se financimi për projektin e ri të zonës së Selenicës do të bëhet realitet, pasi investimet infrastrukturore që nxisin zhvillim ekonomik janë prioritet i qeverisë Rama.
“Investimet infrastrukturore që nxisin zhvillim ekonomik janë prioritet i qeverisë Rama. Rruga e Lumit të Vlorës, shtu si shumë projekte anembanë vendit po bëjnë realitet një Shqipëri ndryshe. Financimi për projektin e ri të zonës së Selenicës do të bëhet realitet”, shkruan Denaj.
Përmes një konference për mediat, Drejtori i Kabinetit të Presidentit Meta, Edmond Panariti, doli për të përgënjeshtruar deklaratat e paradites së sotme të ministres së Financave, Anila Denaj në lidhje me përplasjen Presidencë-Qeveri për rrugën Vlorë-Orikum.
Presidenca thotë se bëhet fjalë për një marrëveshje të re dhe duhet rinegociuar.
"Si mund të quhet e njëjta marrëveshje kur marrëveshja e parë u zgjidh nga qeveria shqiptare, kur zgjodhët nuk ka më fuqi juridik. Ligji kërkohet që të negociohet dhe më pas të nënshkruhet një marrëveshje të re Pra, zonja ministre para nënshkrimit kishit shumë detyra për të përmbushur por sicc duke as nuk i keni lexuar.
Shprehimisht Presidenti i kërkoi Kryeministrit që të merren të gjitha masat për të metat procedurale të praktikës. Ministrja i referohet si precedent ligjit nr të vitit të kaluar kinse për ta kapur Presidentin në faj. Përmbushni sa më parë detyrimet që ju ngarkon Kushtetuta dhe ligji. Të mos dënohet kredibiliteti i Republikës së Shqipërisë në raport me partnerët ndërkombëtare", tha ndër të tjera Panariti.
Komente
Lajme të tjera
-
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11
O Ilir ike more fund se nuk le me njerez te degjeneruar pa u dhen pushtet.Do ikim te gjithe te PS tani
PërgjigjuIlir Meta e vërteta hajdut i pa diskutushëm e anti Shqiptar. Njeri pa personalitet e i pa skrupullt me një fjal një njeri super ordiner.
PërgjigjuIlir Metmuti hajduti.
Përgjigju