Debati për Teatrin, aktorët në tjetër protestë: Do “pushtojmë” godinën!  

Pas dëgjesës publike me kryetarin e Bashkisë Erion Veliaj, dhe ministren e Kulturës Mirela Kumbaro, një grup aktorësh kanë organizuar një tjetër protestë kundër shembjes së Teatrit Kombëtar.

Protesta është organizuar në orën 19:00, ndërkaq mësohet se protesta e aktorëve do të jetë e pandërprerë.

Artistët nuk mashtrohen nga deklaratat e zyrtarëve nën nivelin e kryeministrit. Me këtë rast ne deklarojmë se takimi nuk solli asnjë rezultat konkret dhe se palët kanë pozicione diametralisht të kundërta. Ne do të vazhdojmë luftën tonë kundër aleancave mafioze të pushtetit me biznesin, derisa qeveria të tërhiqet përfundimisht nga ky projekt-ligj dhe t’i hapë rrugën dialogut për rindërtimin e teatrove kombëtare, dyfishimin e buxhetit të kulturës dhe miratimin e ligjeve demokratike për artin në përgjithësi dhe teatrin në veçanti. Nesër, më 15 qershor, ne fillojmë “pushtimin” e sheshit të Teatrit dhe do të qëndrojmë aty derisa të zgjidhen kërkesat tona.

LEXO EDHE:
Dhunuan efektivët dhe hodhën molotov para bashkisë Tiranë, lirohen nga qelia 4 protestuesit e Rithemelimit dhe PL-së

Aleanca për mbrojtjen e Teatrit, deklaratë për shtyp.

Debati për shembjen ose jo të Teatrit Kombëtar ka nisur prej disa kohësh. Një pjesë e artistëve kundërshtojnë prishjen e godinës së Teatrit Kombëtar, pasi sipas tyre godina përfaqëson historinë dhe kujtesën kombëtare.

Ndërsa pjesa tjetër e aktorëve përfshirë aktorët Luftar Paja, Erion Isai e Laert Vasili janë pro shembjes së Teatrit pasi sipas tyre godina është e amortizuar, në gjendje të keqe, duke mos plotësuar kushtet teknike për të vënë në skenë një shfaqje të mirë për publikun.

TAG:
• proteste
• shembja e teatrit
• Erion Isaj

Sondazhi i ditës:

Sa i përhapur është korrupsioni në Shqipëri?

• Shumë

  86.3%

• Pak

  8.3%

• Nuk e di

  5.4%

Vota total: 798

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di