Dëbora problem në Prizren
Prevalla pushtohet nga turistët

Pas reshjeve të dendura të dëborës, situata e qarkullimit rrugorë në rajonin e Prizrenit paraqitet problematike.

Më e vështirë është gjendja në rrugën Prizren – Prevallë, ku era e fortë dhe reshjet  po shkaktojnë rëshqitje të borës, duke bërë që për disa orë kjo rrugë të bllokohet. E ndërsa Prevalla ka qenë e mbushur me turistë pronarët e bizneseve private, ngrenë shqetësimin e tyre për gjendjen e krijuar.

Sipas burimeve të policisë, të gjitha fshatrat e komunës së Dragashit janë të bllokuara nga bora, ndërsa po përballen edhe me mungesën e rrymës elektrike. Kompanitë kontraktuese janë në terren dhe po mundohen të venë nën kontroll situatën.

Reshjet e borës u rikthyen në rajonin e Prizrenit në orët e hershme të mëngjesit. I gjithë Rrafshi i Dukagjinit u përfshi nga dëbora e dendur që arriti deri në 20 e në lartësi më të mëdha i kaloi 30 cm.

Menaxheri rajonal i mirëmbajtjes së rrugëve Ferid Tafallari , është shprehur  se situata është nën kontroll, por i bën thirrje drejtuesve të automjeteve që të bëjnë më kujdes. 

[gallery]20445[/gallery]

Redaksia Online
(B.K/Shqiptarja.com)