Pas ditëve me diell vendi është përfshirë gjatë ditës së sotme nga mot i keq me reshje shiu, temperatura të ulëta dhe reshje dëbore në zonat malore.

Reshjet e borës përfshinë territorin e bashkive Pukë e Fushë Arrëz mëngjesin e kësaj të premte, teksa temperaturat kanë zbritur në 0 grad celcius.

Reshjet që vijoi të bien kanë shkaktuar terrene të rrëshqitshme në rrugët e qytetit, ndërkohë në akset nacionale u bë kriposja e rrugëve në kohë dhe qarkullimi vijon normalisht.

Edhe segmentet rrugore rurale momentalisht janë të kalueshme, ndërsa trashësia e borës pritet të krijoi probleme kryesisht ne aksin rrugor Kryezi -Iballes ku trashesia e borës në Qafën e Sharit i ka kaluar 20 cm.

Reshjet e dëborës kanë përfshirë këtë mëngjes qytetin e Shkodrës dhe zonat përreth, ndërsa nuk ka akse rrugore të bllokuara dhe qarkullimi zhvillohet normalisht.

Ndërkohë, Rruga e Kombit, në të dyja drejtimet e lëvizjes Kukës – Tuneli i Kalimashit, po përballet me reshje të dendura shiu të shoqëruara me erë të fortë, çka e bën qarkullimin më të vështirë.

Rendit zhvillimet sipas orarit:
Ora 12:23
FOTOLAJM/ Pas shiut në Kukës, ylberi zbukuron Rrugën e Kombit

1767353092_aa.JPG

Reshjet e shiut të rëna pasditen e sotme në Kukës kanë sjellë një pamje të veçantë në aksin Kalimash–Kukës, të Rrugës së Kombit ku pas ndërprerjes së reshjeve është shfaqur një ylber i dukshëm, duke krijuar kontrast mes reve të errëta dhe dritës së diellit.

Pamja në këtë segment rrugor, e ka kthyer për disa minuta rrugën malore në një tablo natyrore mbresëlënëse. Reshjet nuk kanë shkaktuar probleme serioze në qarkullim, ndërsa autoritetet këshillojnë kujdes për shkak të lagështisë në rrugë.

S.B/Shqiptarja.com

Ora 12:20
Korçë/ Reshje dëbore në Qafë Thanë, Policia Rrugore u bën apel drejtuesve të mjeteve për kujdes

 

Reshjet e dëborës kanë nisur edhe në zonën e Qafë Thanës, në Pogradec.

Aktualisht, reshjet janë të pranishme vetëm në majën e qafës, me intensitet të ulët deri në mesatar, ndërsa temperaturat shënojnë vlera negative.

Sipas informacioneve, kontraktorët pritet të kryejnë kriposjen e rrugës për të shmangur ngricat dhe rrëshqitjet e automjeteve.

Deri në këto momente nuk raportohen bllokime apo vështirësi në qarkullim, ndërsa Policia Rrugore u bën apel drejtuesve të mjeteve të tregojnë kujdes të shtuar gjatë lëvizjes.

Aktualisht ka një trafik të shtuar të automjeteve që qarkullojnë drejt juglindjes.

S.B/Shqiptarja.com

Ora 12:15
Moti i keq në Fier/ Ngricat shkatërrojnë kulturat e serave të fermerëve të të Roskovecit dhe Frakullës

 

Temperaturat ekstreme, nën zero, kanë tharë kulturat perimore, kastravec, domate, e luleshtrydhe në serat e fermerëve të Roskovecit e Frakullës.

Pas problemeve të vazhdueshme me çmimet e ulëta, përmbytjeve dhe paragjykimit ndaj produktit vendas, në këtë fillimvit, fermerët po përballen edhe me një “problem sezonal”, ngricën, duke shuar në pak orë investimin e mundin e një viti të tërë.

S.B/Shqiptarja.com

Ora 12:05
Reshje dëbore dhe akull në aksin Librazhd-Qafë, trafik i rënduar! Policia apelon për vendosjen e zinxhirëve

 

Reshjet e dëborës kanë përfshirë edhe aksin Librazhd- Qafë. Policia apelon që drejtuesit e mjeteve të jenë të pajisur me zinxhirë, ndërsa është krijuar edhe trafik i rënduar.

Aktualisht, në Dragostunjë ka prezencë të akullit dhe policia rrugore ndodhet në terren për të menaxhuar situatën dhe për t'i ardhur në ndihmë mjeteve që bllokohen.

S.B/Shqiptarja.com

Ora 11:40
Reshjet e dëborës në Shkodër, vijon normalisht qakullimi i mjeteve, s'ka akse rrugore të bllokuara

 

Reshjet e dëborës kanë përfshirë këtë mëngjes qytetin e Shkodrës dhe zonat përreth, por autoritetet bëjnë me dije se nuk ka akse rrugore të bllokuara dhe qarkullimi zhvillohet normalisht.

S.B/Shqiptarja.com

Ora 11:36
Mot i keq në Kukës/ Fluks mjetesh në Kalimash, reshjet e dendura të shiut vështirësojnë qarkullimin

 

Fluks i lartë mjetesh është regjistruar aktualisht në të dyja anët e pikës së pagesës në Kalimash. Qarkullimi më i rënduar paraqitet në korsinë e aksit Tiranë–Kukës–Morinë–Kosovë, ku lëvizja e mjeteve është dukshëm më e madhe.

Ky fluks vjen si pasojë e lirimit të rrugës për qarkullim, pas disa aksidenteve të ndodhura më herët në zonën e Rrëshenit, në Rrugën e Kombit, ku për një periudhë pati edhe bllokim të plotë të trafikut.

Ndërkohë, Rruga e Kombit, në të dyja drejtimet e lëvizjes Kukës – Tuneli i Kalimashit, po përballet me reshje të dendura shiu të shoqëruara me erë të fortë, çka e bën qarkullimin më të vështirë.

Autoritetet u bëjnë thirrje drejtuesve të mjeteve të tregojnë kujdes të shtuar, të respektojnë sinjalistikën rrugore dhe të përshtatin shpejtësinë, për shkak të lagështisë dhe kushteve të pafavorshme të motit

S.B/Shqiptarja.com