Defekte në motor dhe shkëndija elektrike, digjen dy automjete brenda pak orësh në kryeqytet

Një automjet është djegur rreth orës 12:15 në kryeqytet dhe më konkretisht në rrugën 'Pirro Gode'. Dyshohet se automjete, në pronësi të shtetases B. Gj, ka marrë flakë për shkak të një shkëndije elektrike dhe si pasojë është djegur pjesërisht..

Fatmirësisht ka vetëm dëme materiale dhe jeta e askujt nuk është vënë në rrezik. Për të bërë të mundur shuarjen e flakëve në vendngjarje ndodhen shërbimet e zjarrfikëses.

Ndërkohë në mëngjes një tjetër automjet është përfshirë nga flakët në Tiranë. Sipas policisë, ngjarja ka ndodhur rreth orës  08:45, në rrugën “Peti”, pranë kopshtit Zoologjik.

Dyshohet se si pasojë e një defekti teknik në pjesën e motorit ka marrë flakë në ecje mjeti ford focus me drejtues A.T., ku ka vetëm dëme materiale.

Shërbimet e zjarrfikëses shkuan në vendngjarje, të cilat bënë të mundur fikjen e zjarrit.

Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.

Makina që mori flakë

/Ne.k./Shqiptarja.com

TAG:
• Tirane
• digjet makina
• defekt