Degët prioritare në rrezik, studenti vjen nga Shkodra për të marrë pjesë në protestën para Ministrisë: Këtë vit asnjë i regjistruar për fizikë

 

Një grup studentësh kanë protestuar sot para Ministrisë së Arsimit për degët që janë në rrezik, pasi kanë një numër shumë të ulët studentësh të regjistruar. Report Tv mori në intervistë një prej tyre, Kolindo Vjerdha, i cili kishte ardhur në këtë protestë nga Shkodra. Për gazetaren Enxhi Musaj, ai tha se mori pjesë për të ngritur edhe zërin e studentëve në Shkodër.

Sipas tij, Ministria duhet të ndërmarrë të tjera politika për degët në rrezik, si edhe të ulet të bëjë një analizë të politikave të ndërmarra deri më tani, se çfarë të mirash ka sjellë.

Ndalur në universitetin e Shkodrës, ‘Luigj Gurakuqi;. Ai tha se këtë vit në degën e Fizikës nuk ka asnjë student të regjistruar, ndërsa në atë të matemtikës vetëm 8 studentë.

“Ditë simbolike për mesazhin që përcolli. Ardhja nga Shkodra ishte një formë përfaqësimi për studentët e Shkodrës. Mund të flas për një tendencë rënie në një numër të konsiderueshme të degëve në universitetin  e Shkodrës. Siç janë dega matematikë me 8 studentë, fizika asnjë studentë të regjistruar, në të numra të tillë janë edhe degët e historisë gjeografisë.

Kemi ardhur për të rikujtuar atë që realitet, vështirësitë që jeta akademike sjell, degët që rrezikojnë të mbyllen. Ndoshta këtë politika duhen parë me një sens tjetër, çfarë rezultatesh kanë sjell. Ndodhte duhej të kishte më tepër transparencë nga ministria për këto politika.

Me shpresën që këto pika që ngritën zërin të mos bien në vesh të shurdhët por të jenë një dorë për studentët ministrinë e pedagogët që të ri dimensionojmë jetën akademike”, tha ai për Report Tv.

Lajmi kryesor:

Studentët protestë para Ministrisë së Arsimit, kryejnë ‘homazhe’ për degët e mbyllura në universitete: 71.6% e programeve prioritare në rrezik

SI.E./Shqiptarja.com

TAG:
• ministria e arsimit
• proteste