POP 5

Lajmet më të lexuara të 5 minutave të fundit

Tirana

Dëgjesa e dytë me ekspertët e pallateve të dëmtuara nga tërmeti, Veliaj: Investime moderne në lagjet e reja në Kombinat dhe Kinostudio

Kreu i Bashkisë siguroi të gjithë banorët se dy lagjet e reja në Kombinat dhe në Kinostudio do të jenë ndër më të bukurat.

Në mbledhjen e këshilit bashkiak të Tiranës sot është bërë dëgjesa e dytë me inxhinierë dhe ekspertë, të cilët kanë kryer vlerësimet përkatëse për pallatet e dëmtuara nga tërmeti në Kombinat dhe Astir, e në bazë të përfundimit të raportit të tyre do të merret vendimi për prishjen ose jo. Në mbledhjen e këshillit bashkiak Veliaj tha se për ato banesa të dmëtuar që duhet më shumë se 70% të vlerës për ta riparuar do të bëhet shembja.

“Një vendim i marrë me vonesë ose i pa marrë shkakton më shumë dhimbje. Këtë agoni e ndërpresim sot për 9 pallate. Janë 8 pallate në Kombinat dhe një në zonën e Astirit. Do të dëgjojmë sot specialistët për vlerësimin e thelluar të pallateve në zonën e Kombinatit, me numër 152/3, 163/1, 163/3, 159, 141, 131, hapësirat 1 dhe 2, 154, 155/1, 145/1, 145/2 si dhe pallati numër 1, i cili është kategorizuar për rikonstruksion në Lagjen numër 14 të zonës së Astirit. Siç thotë ligji: Vendimmarrja e Bashkisë për prishjen e detyruar të ndërtesave në pronësi private apo publike, pra ato raste kur ndërtesa është e dëmtuar nga fatkeqësia natyrore, kur nuk mund të riparohet ose riparimi kushton më shumë se 70% e kostos së ndërtimit nga e para, merret nëpërmjet këtij procesi transparent dhe bazuar në parashikimet e aktit normativ nr. 9, datë 16/12/2019”, theksoi Veliaj.

Kreu i Bashkisë siguroi të gjithë banorët se dy lagjet e reja në Kombinat dhe në Kinostudio do të jenë ndër më të bukurat. “Unë jam i bindur se lagjja e bukur e Kombinatit do të ngrihet përsëri, lagjja e bukur e Kinostudios do të ngrihet përsëri, por më e mirë se dje dhe ndoshta edhe më e mirë se sot, me investimet moderne që duam të bëjmë, për t’u siguruar që ajo orë 03:54 e tragjedisë tonë të 26 Nëntorit, të kthehet në një orë mundësie që duhet kapur dhe duhet të rendim shpejt për mundësi të reja. Jemi sot për t’i marrë këto vendime pa humbur kohë. Ashtu siç morëm vendime për të dëmshpërblyer dhe rindërtuar tërmetin e shtatorit, apo për 3000 pagesat e para, besoj shumë shpejt kemi 3000 të dytat, ashtu do të marrim vendimet edhe për ato ndërtesa ose ngrehina, për t’i thënë lamtumirë një epoke që iku dhe për t’u rikthyer në një orë 03:54 që duhet të shohim dhe të ecim përpara”, theksoi Veliaj.

Veliaj theksoi se Bashkia e Tiranës do të vazhdojë të kryejë të gjitha pagesat për bonusin e qirasë në mënyrë që askush të mos rrijë pa një strehë deri në momentin që do marrë çelësin për të hyrë në apartamentin e ri, po në të njëjtën zonë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aliu: 21/07/2020 13:52

    Boll me o Kryenashtrues qe vetem genjen ne media per tu dukur. Te gjithe lagjen e Qesarakes e ke lene me rruge balte edhe ke 6 vjet qe ske vene dore

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19