Këshilli i Lartë Gjyqësor ka reaguar ndaj akuzave që kreu i Rithemelimit Sali Berisha ka bërë ndaj gjyqtares Irena Gjoka e cila në 30 dhjetor i caktoi masën e sigurisë ‘arrest shtëpie’ nën akuzën e korrupsionit pasiv për aferën e privatizimit të ish-kompleksit Partizani.
Ndërsa gjyqtarja është vënë nën shënjestrën edhe të disa portaleve greke, një ditë para vendimit të gjykatës së posaçme ndaj kryebashkiakut të zgjedhur të Himarës, Fredi Beleri.
Nga dritarja e ballkonit të shtëpisë ku mbahet në arrest Berisha akuzoi edhe sot gjyqtaren se ka ndërruar mbiemrin nga Shpata në Gjoka, sipas tij për shkak se është dëbuar nga Greqia për 12 vite nën akuzën e falsifikimit të dokumenteve.
Mediat pranë Berishës kanë shpërndarë artikullin e një portali grek që akuzon gjyqtaren Irena Gjokën e cila ka në dorë edhe çështjen e Fredi Belerit, se është dëbuar më herët nga Greqia për 12 vite nën akuzën e falsifikimit të dokumenteve.
Sulmi i medias greke ndaj gjyqtares vjen një ditë para seancës që pritet të mbahet nesër në 5 mars, ku do të merret vendimi për kryebashkiakun e zgjedhur të Himarës, i arrestuar në 12 maj për korrupsion aktiv në zgjedhje lokale pasi u kap duke ofruar 40 mijë lekë për blerjen e 8 votave.
Në reagimin e bërë, Këshilli i Lartë Gjyqësor i cilëson akuza të tilla nga Berisha dhe mediat e lidhura me të si përpjekje për të ndikuar politikisht në vendimet e gjyqtares Irena Gjoka. Më tej theksohet se deklarata dhe akuza të Berishës ndikojnë negativisht në besimin që publiku ka tek pushteti gjyqësor.
Reagimi i plotë i KLGJ:
Këshilli i Lartë Gjyqësor, si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, ka ndjekur me vëmendje zhvillimet e fundit sa i përket deklaratave publike në media nga persona publik dhe mbrojtësve të tyre në procesin penal, të cilat në përmbajtjen e tyre cënojnë rëndë figurën dhe dinjitetin e znj. Irena Gjoka, me detyrë gjyqtare pranë Gjykatës së Posaçme të Shkallës së Parë për Korrupsionin dhe Krimin e Organizuar.
Këshilli vëren me keqardhje se këto deklarime të përsëritura publike në media përbëjnë sulm ndaj gjyqtarëve për shkak të detyrës, duke synuar kompromentimin e pavarësisë së gjyqësorit, nëpërmjet përndjekjes mediatike.
Njëkohësisht, Këshilli i Lartë Gjyqësor vlerëson se këto qëndrime jo vetëm që ndikojnë negativisht në besimin e publikut ndaj pushtetit gjyqësor por edhe krijojnë imazhin e gabuar mbi veprimtarinë e gjyqtarëve gjatë ushtrimit të detyrës me synimin për t’i detyruar ata të japin vendime në kundërshtim me parimet e pavarësisë dhe paanësisë.
Gjithashtu, Këshilli i Lartë Gjyqësor thekson se avokatët në bazë të ligjit dhe kodit etik profesional, duhet të sillen me respekt, ndershmëri dhe integritet kundrejt gjykatës, në funksion të përfaqësimit të interesave të klientëve.
Këshilli i Lartë Gjyqësor fton të gjithë aktorët të respektojnë gjyqtarët dhe impenjimin e tyre në forcimin e shtetit të së drejtës, pasi dhënia e drejtësisë duhet të jetë e çliruar nga çdo lloj ndikimi apo ndërhyrjeje nga subjektet publike apo private. Në respektim të dispozitave ligjore në fuqi, sjellim në vëmendje se mjeti ligjor për të kundërshtuar një vendim gjyqësor është ankimi në një gjykatë më të lartë.
Një ditë para seancës gjyqësore që pritet të mbahet nesër (5 mars) në GJKKO ku do të jepet vendimi për kryebashkiakun e zgjedhur të Himarës, Fredi Beleri mediat greke kanë sulmuar gjyqtaren e çështjes Irena Gjoka, e njëjta e cila caktoi masën ‘arrest shtëpie’ për Sali Berishën nën akuzën e korrupsionit për privatizimin e ish-kompleksit ‘Partizani’.
Në një artikull të publikuar ditën e sotme në portalet greke, shkruhet se gjyqtarja Irena Gjoka ka qenë dikur në Greqi me letra të parregullta dhe se është dëbuar nga vendi për falsifikim dokumentesh.
Të njëjtat akuza i bëri ditë më parë nga ballkoni i shtëpisë ku po mbahet në arrest, ish-kryeministri Sali Berisha i cili tha se gjyqtarja madje ka ndërruar mbiemrin nga Spata në Gjoka.
Çështja ‘Beleri’, prej muajsh është kthyer në një lojë diplomatike mes Athinës e Tiranës, deri në nivelin ku Greqia edhe paralajmëroi se do të pengonte përparimin e vendit drejt procesit të anëtarësimit në BE nëse nuk lirohej Beleri.
Komente
Lajme të tjera
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka
25 Dhjetor, 18:45 -
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
Viçidoli është tradhtari ma i madh i të gjitha kohërave, edhe esat toptanit ja kaloi. Jan ba bashk me grekedhierit të shajnë një femer, që se çan koken për fundërrina si ata.
PërgjigjuJa fute kot ore Shkodran por ama qenke Srb
Shume shqiptare ne ato vite me dokumenta te parregullta e te fallsifikuara leviznin e sidomos ne nje shtet ksenofob e me paragjykime si Greqia,Hasanet u bene Jorgo ne ate kohe,kjo nuk eshte ndonje gje per t'u cuditur.Per t'u habitur eshte fakti qe akoma u mbledhkan 5 ithtare poshte pallatit te Berishes!U bene kaq muaj i burgosur,nuk lodhen keta njerez duke i vajtur pas?!
Përgjigjuper ironi spada eshte emer slloven jo grek dhe eshte emer i pergjithshem pa kuptim si emer i pervecem
Qentë le të lehin,karvani të shkoi pērpara:
PërgjigjuShan i dhj...të përmj...rhemi ne nga anet tona. Atë e ka perzene Amerika per ato qe thehet per nongratan ai salon e ç'nuk salon per ata qe nuk I ushtare e jeniçerë. Pika burrit, qe s'ka pika burrnie!
PërgjigjuHiena e zeze plakushi i cmendur nuk po le gur pa levizur per ti shpetuar drejtesis duke bere dallavere nga me te ndyrat me disa individ ne institucuionet greke!
PërgjigjuNke gje lam te paqarte, pse gkyqtarja orena gjoka mbante perdorte dhe mbiwmrin spata... Kete pse nuk e spjegon kjo.
PërgjigjuI fiksuar nga ideja se pushteti është gjithçka, ky kryekriminel dhe kryehajdut rreket ta veshё ndërgjegjen me besimin e rremë se ёshtё i paprekur dhe i pandёshkuar nga Drejtёsia e Re Demokratike nё Shqipёri. Njerёzit qё kanё lindur dhe jetojnё nё njё shtet ligjor demokratik çuditem pse ky i pandehur me fakte dhe prova tё pakundёrshtueshme nuk izolohet nё burg?!
PërgjigjuO Sali Bajga ti njifesh nga gjith Shqiptarët kudo që jan në Bot. Ti njifesh si kriminel, e hajdut. Ti ke qen sekretar partie e spiun i Sërbit. Prandaj lef pa pushim. Po të lefurat e tua strëmbin njeri. Ti fundin e ke në burg.
PërgjigjuEdhe Sekretar Partie edhe spiun i Sërbit????!!!! Po gjithë partia komuniste dhe më pas Partia e Punës në Shërbim të Sërbisë kanë qënë o Babul sepse ata e krijuan dhe ata e mbajtën në pushtet për 50 vjet. Sali kërma sekretar partie spiun, ndërsa Daja i bablokut anëtar i Byrosë Politike dhe i ati anëtar i Presidiumit patriota ahahahha
Akoma jeton ky kerma,shpellari dhe kriminel por ka dhe goje.SPAKU e Sapllkaku ne vend numero,eh jemi shtet me demokraci te "larte" ne.A mortja qe sna ha.
Përgjigju