TIRANË- Ilir Meta nuk mbajti fjalën e dhënë që nëse do të fitonte Edi Rama, do të jepte dorëheqjen nga posti i presidentit dhe sot e përforcoi këtë qëndrim duke thënë se do të kthehej në LSI në 2022, kur dhe i përfundon mandati i Presidentit. Nisur nga kjo, mazhoranca do të nisë procedurat për shkarkimin e tij me Kuvendin ekzistues. Kjo procedurë do të fillojë menjëherë me përfundimin e numërimit të votave për kandidatët. Ishte vetë numri dy i PS-së, Taulant Balla që konfirmoi një fakt të tillë, duke thënë se “do i bëjnë gati letrat e pensionit”.
"Me Baba Dridhe Liken çuditen vetëm ata që s’e kuptojnë akoma që i ka lëshuar pëllumbat përfundimisht! Askush s’ka pritur të mbajë fjalën për dorëheqje! Po ja të mbarojë procesi i numërimit dhe t’ia bëjmë gati letrat e pensionit, të pijë raki me çifteli me Saliun ke azili Lalzit", ka shkruar Balla.
Shkarkimi i tij, nuk u prit mirë nga Meta, i cili tha se nuk kërcënohet nga “Tao Tao”, (duke iu referuar Taulant Ballës), e duke thënë se ka gati dekretin për mbrojtjen e Republikës dhe mjafton një firmë e tij që kjo të ndodhë. Nuk dihet saktë se çfarë ka dashur Meta të thotë, por duke iu referuar deklaratave të mëparshme për shpërndarje të parlamentit dhe tubimit të 2 marsit 2020, mund të jetë pikërisht ky veprim hapi i radhës së kreut të shtetit.
“Kërcënimi i fundit, që vjen përmes Tao Taos, nga bandat e Elbasanit dhe të gjithë Shqipërisë ka vetëm një përgjigje: Presidenti, gati për të firmosur Dekretin për mbrojtjen e Republikës!Shqipëria e Shqiptarëve! Vdekje tradhtarëve”, tha Meta në reagimin e tij.
Nga ana tjetër, Balla iu kundërpërgjigj sërish me ironi.
“Likja e paska tharë që në mëngjes shishen e rakisë së dëllinjës! Tani vazhdo me kumbullën Like dhe në darkë kalo ke rrushi, se LSI-së s'ke ça i pi më! Po Elbasanin mos e kujto fare se do të duhet raki pishe pastaj”, shkroi Balla.
Kjo është hera e dytë që mazhoranca do të nisë procedurat për shkarkimin e Ilir Metës nga posti i presidentit. Herën e parë, gjithçka nisi për shkak të çdekretimit të zgjedhjeve lokale të 30 qershorit 2019. Sot, kjo procedurë ka nisur pas luftës që Meta hapi ndaj SHBA-së dhe ambasadores Yuri Kim, si edhe daljes së tij totalisht nga roli i kreut të shtetit dhe përfshirjes së tij në fushatë në shkelje të Kushtetutës, asaj që Meta përbetohet se po e mbron me gjak dhe dinjitet.
Deputeti socialist Ervin Bushati në studion e Report Tv ka dhënë argumentet ligjore mbi bazën e së cilëve do të mbështetet mazhoranca në kërkesën për shkarkimin e presidentit Ilir Meta. I ftuar në “Repolitix”, ai është shprehur se Meta ka shkelur Kushtetutën duke marrë pjesë në fushatë dhe me retorikën e tij të përdorur.
“Ka thyer kushtetutën me gjuhën që përdor, me mënyrën se si ka ndërhyrë në zgjedhje, çfarë ka shprehur dhe s’ka shprehur. Meta ka qenë presidenti që nuk ka ditur që të marrë përgjegjësinë për të marrë përgjegjësinë për shqiptarët”, tha ai.
Komente
Lajme të tjera
-
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31
Iku per lesh llumi i kombit...
PërgjigjuKeshtu ndodh kur humb aftesine per te bere dallimin midis nocionit te realitetit dhe fantazise,kthehesh ne nje Don Kishot,te pakten dil me nje parrulle tenden,mos kopjo Ballin.
PërgjigjuKy ka shkel Kushtetutën. Duhet të marrë fund kjo lloj tolerance.Ky duhet shkarkuar dhe menjëherë ti kalohet Spak për hetim.
PërgjigjuOre pa mendohuni pak, se nuk është kaq e thjeshtë. Kur u rrëzua Tramp, valixhen e kodeve për armët bërthamore nuk ia dorëzoi pasardhësit. Thoni tja këtë dorëzuar këtij tonit!!??
PërgjigjuO like kokemadhi kujdes se na trembe, do te firmosesh ligjin kundet privilegjeve qe kerkon te jetosh me taksat e popullit
Përgjigju