Deklaratat e Papa Françeskut mbi mizoritë në luftën në Ukrainë, ambasadori rus Avdeev proteston në Vatikan

Ambasadori rus në Vatikan, Aleksander Avdeev ka protestuar ndaj deklaratave të Papa Françeskut që dolën në shtypin amerikan, në lidhje me mizorinë e kryera nga personeli ushtarak rus në Ukrainë.

Duke folur për agjencinë e lajmeve “RIA Novosti” , ambasadori Avdeev tha se ka pasur bisedime mbrëmë me krerët e shërbimit diplomatik të Vatikanit.

"Unë shpreha indinjatën për insinuatat e tilla dhe vura re se asgjë nuk mund të lëkundë kohezionin dhe unitetin e popullit shumëkombësh rus," tha Avdeev.

LEXO EDHE:
Sulm me dron në portin rus, raportohet për viktima dhe të plagosur

Dje Papa Françesku, në një intervistë për revistën jezuite America , pati kritika të ashpra ndaj ushtrisë ruse. Ai tha se disa grupe pakicë të ushtarëve të saj, kanë pasur sjellje më të këqija sesa të tjerët, në luftën e nisur në Ukrainë muaj më parë.

“Trupat “më mizore” janë zakonisht ato të çeçenëve dhe burjatëve”, ka thënë Papa.

Lajmi kryesor:

Lufta, Kievi: 84 raketa ruse po hyjnë nga Deti i Zi në Mesdhe! Senati tërheq amendamentin që zgjati dërgesën e armëve në Kiev me një vit

S.C/Shqiptarja.com

TAG:
• lufta ne ukraine
• Rusi
• ukraine
• Volodymyr Zelensky