Kryetarja e LSI-së Monika Kryemadhi në takimin me votues për herë të parë në zonën e Freskut iu përgjigj edhe kryebashkiakut Erion Veliaj, i cili tha nga Kombinati se LSI ka përzgjedhur kandidatë ngelësa.

Kryemadhi tha se Lali Erit i dhëmb kur i përmend Floidën, si studente ekselence, ndërkohë që i kërkon që të nxjerrë diplomën e shkollës së lartë, sepse sipas saj është pa shkollë.

‘Unë e di që Lali Erit i dhemb shumë kur e përmend Floidën si studente ekselence, por kot gërmon. Të nxjerrë edhe lali Eri diplomën e shkollës së mesme, siç ka mbaruar Floida shkollën e mesme me 10.15 mesataren. Dhe pasi të nxjerrë lali Eri dëftesën, duhet të nxjerrë edhe diplomën e shkollës së lartë, sepse kemi një Kryetar Bashkie pa shkollë të lartë, atëherë do t’i nxjerri edhe Floida diplomën e Fakultetit të Mjekësisë. Sepse për të gjithë injorantët që drejtojnë shtetin, kush mbaron Fakultetin e Mjekësisë me mesatare mbi 8,5 quhet student i ekselencës. Kështu që po ja bëj këtë shpjegim meqë e ka këtë merak shumë të madh dhe e gjëmon Floidën hap pas hapi.’- tha Kryemadhi.

Kryetari i bashkisë Erion Veliaj duke ju referuar, një deklarate të Kryemadhit për Floida Kërpaçin, se ajo është ekselente, tha se në defetesë rezultonte se ishte me 5-sa.