ELBASAN- Prokuroria e Posaçme ka nisur një hetim për nxjerrje të sekretit hetimor, pasi një disa prej eksponentëve kriminalë nuk u kapën në kuadër të operacionit për të goditur grupin e drejtuar nga vëllezërit Çopja në Elbasan. Edhe dy vëllezërit Franc e Hajdar Çopja nuk u vunë në pranga në operacionin e 31 korrikut 2024.
Me dyshimet se Policia ka nxjerrë sekretin hetimor, SPAK është vënë në lëvizje dhe burime për Shqiptarja.com bëjnë me dije se është sekuestruar telefoni i drejtuesit të Policisë së Elbasanit, Ilir Proda. Ky i fundit është aktualisht kandidat në garën e hapur për drejtuesin e ri të Policisë së Shtetit, pas dorëheqjes në Muhamet Rrumbullakut.
Prokuroria e Posaçme ka vënë në sitë në sitë 10 agjentë të policisë dhe Byrosë Kombëtare të Hetimit që kanë qenë në terren për ekzekutimin e masave të sigurisë të lëshuara në kuadër të operacionit që goditi bandën e vëllezërve Çopja në Elbasan. Po ashtu, SPAK ka marrë në pyetje edhe 3 drejtues policie që kanë patur dijeni për operacionin.
Lidhur me bindjen që ka organi i procedurës penale, është duke kryer verifikime në një sërë aparatesh celulare të personave të mësipërm, komunikime apo takime të mundshme kompromentuese.
Kujtojmë që nga 33 urdhër arreste të miratuara nga Gjykata e Posaçme, me kërkesë të SPAK, gjatë operacionit për goditjen e bandës së Çopjave u ekzekutuan vetëm 13 urdhërarreste, 2 prej tyre të arrestuar më herët për vepra të tjera penale. Për disa prej anëtarëve të kësaj bande kriminale që sot janë në arrati, kishte të dhëna që ndodhen në Shqipëri, por ka dyshime se ata janë informuar për operacionin dhe për rrjedhojë janë arratisur.
Një hetim i nisur prej vitit 2022 ndaj vëllezërve Franc dhe Hajdar Çopja nga Elbasani, iniciuar dhe nga dëshmitë e bashkëpunëtorëve të drejtësisë Erion Alibej e Nuredin Dumani, ka çuar SPAK në zbardhjen e disa vrasjeve, atentateve e grabitje.
Franc e Hajdar Çopja, të cilët janë në arrati, dyshohet të jenë krerët e grupit kriminal që fshihet pas vrasjeve si pasojë e përplasjeve mes grupeve, me qëllim sundimin e trafikut të kokainës në Europë. E konkretisht bëhet fjalë për përplasjen mes grupit Çopja dhe Alibej.
Në mes me uniformë policie, Ilir Proda
SPAK ka sekuestruar sot telefonin e drejtorit të Policisë së Elbasanit, Ilir Proda, ndërsa ka dyshimet se operacioni për goditjen e bandës së Çopjave në Elbasan është dekonspiruar. Ilir Proda mësohet se kërkon të bëhet kryepolic, pasi ka aplikuar në garën për postin e Drejtorit të Përgjithshëm të Policisë së Shtetit, pas dorëheqjes së Muhamet Rrumbullakut.
Proda u emërua në Policinë e Elbasanit më 8 mars 2023, me urdhër të Rrumbullakut pas disa ndryshimeve në drejtoritë e policive. Nga Elbasani u largua Ardian Çipa, i cili shkoi në Gjirokastër.
Proda po ashtu i është nënshtruar vettingut në mars 2024 nga Agjencia e Mbikëqyrjes Policiore. Më datë 8 mars 2024, trup e vlerësimit; Bora Vrenjo si kryesuese, Henri Naqellari dhe Loreta Hanxhari anëtarë, konfirmuan në detyrë Prodën. Sipas Vendimit të AMP, Proda ka plotësuar tre kushtet, nivel i besueshëm në vlerësimin e pasurisë; nivel i besueshëm në vlerësimin e kontrollin e figurës; nivel i mjaftueshëm në vlerësimin e aftësive profesionale.
Komente
Lajme të tjera
-
Në 500 faqe vetëm fillimi i përgjigjes nëse SHBA-të kanë apo jo fakte ndaj korrupsionit të Berishës!
17 Shtator, 09:45
-
‘Merr jetë’ edhe kompleksi shkollë-kopsht në Cërrik, standarde europiane dhe ambiente bashkëkohore edukimi
17 Shtator, 08:16 -
DOSJA E SPAK/ Sali Berisha, në mbledhjen e qeverisë: Do privatizojmë terrenet sportive, nuk do lëmë asnjë stadium në Tiranë
17 Shtator, 07:14
-
Mero Baze: Familja Berisha ka tentuar t’i japë shtetit fytyrën e vet
16 Shtator, 20:48
-
Dosja ‘Partizani’, Beqiri: Familja e Saliut ka funksionuar si organizatë kriminale! Berisha rrezikon 8 vite burg, Malltezi minimumi 10! Petraj: Pasuritë do u konfiskohen
16 Shtator, 19:08 -
Meta nuk ndal sulmet ndaj Altin Dumanit: Po përdor SPAK për të marrë peng njerëz brenda opozitës
16 Shtator, 18:24 -
'Asgjë për t'u befasuar'/ Dosja 500 faqe për Berishën, Denis Dyrnjaja: Pritet vetëm vendimi i gjykatës! Berisha po gropos veten dhe PD-në
16 Shtator, 14:21 -
SHBA mbështet SPAK: Punë të shkëlqyer! Përfaqësuesja e DASH në Tiranë: Mbani korrupsionin nën kontroll të anëtarësoheni në BE
16 Shtator, 12:22
-
U kap nga të dhënat e 'Sky ECC'/ Pëllumb Gjoka dërgon padi në Gjykatën Kushtetuese, kërkon pavlefshmërinë e përgjimeve të autoriteteve belge dhe franceze
16 Shtator, 10:51
-
Mori ryshfet 9 mln lekë të vjetra nga Rrumi i Shijakut, Apeli i GJKKO lë në fuqi dënimin me 2 vite burg për ish-avokatin e Shtetit
16 Shtator, 10:08 -
Elbasan/ Baste online përmes celularit, vihet në pranga pronari i lokalit! Nis hetimi në gjendje të lirë për 49 vjeçarin
16 Shtator, 09:09 -
DOSJA 500 FAQE E SPAK/ Berisha bën VKM për HEC-e dhe HEC-et paguajnë mijëra euro për dhëndrin Jamarbër Malltezi
16 Shtator, 08:13
Hetoni ballen se skeni par asgje deri tani
PërgjigjuHetoni pak edhe Taulantin se do habiteni.
PërgjigjuDuke parë që kurupsioni dhe krimi ka hyrë thellë në polici e ushtri urgjentisht duhet të ngrihen gjykatat ushtarake sepse të tillët duhen dënuar shum rreptë.
PërgjigjuIlir proda qeni i suel celes qe ben cti thot sulltani suel cela qe pa dhena ai leje nuk behet as nje operacion nga policia apo arrestim arrestohen vetem ato qe do sueli bashk me shokt si aksioni fundit qe u arrestuan vetem personat qe nuk funizohen me drog tek njerzit e suelit apo ato qe nuk kan llotot e suelit, armiq te popullit jeni turp
PërgjigjuKeta polica qe bashkepunojne me vrasesit duhet te denohen me burgim te perjetshem pa gjyq fare , te arrish deri ne ate pike sa te shpetosh nga burgu kriminela te ndyre te atij niveli esgte skandal . Keta plera te pabese kane vrare shoket e tyre dhe jo me policat qe nuk i kane asgje prandaj duhet te mendohen mire ata qe bashkepunojne me jeto funderrina
Përgjigju