Diplomati amerikan ka deklaruar për mediat kosovare se një vështrim më serioz i situatës në veri do të ndodhë para zhvillimit të zgjedhjeve të reja në Kosovës. Por kjo sipas tij, varet edhe nga ajo se çfarë qeverie do të ketë në Serbi. Gjithsesi Dell ka përjashtuar mundësinë e zgjidhjes së problemit përmes ndonjë statusi special, apo ndonjë lloj tjetër autonomie.
Qeveria e Kosovës, por edhe Shtetet e Bashkuara nuk mbështesin zgjidhje të tilla. Dell ka deklaruar se në këtë drejtim Qeveria e Kosovës do ta ketë edhe mbështetjen e bashkësisë ndërkombëtare, në radhë të parë të Shteteve të Bashkuara. Dell ka deklaruar edhe njëherë se korrupsioni duhet të luftohet, ndryshe vendi mund të ketë pasoja të paparashikueshme.
(jd/rg/shqiptarja.com)