Dell: Marrëveshja për bashkëpunim rajonal, hap i madh për Kosovën

Ambasadori amerikan në Kosovë, Christopher Dell ka komentuar lidhur me marrëveshjet e fundit ndërmjet Kosovës dhe Serbisë, duke i cilësuar si të rëndësishme dhe në dobi të Kosovës. Ai tha se marrëveshja për bashkëpunim rajonal është hap i madh për Kosovën, sepse kjo nënkupton se Serbia e njeh të drejtën e Kosovës për të kontrolluar kufijtë dhe pikat e kalimit në veri të vendit.

"Kosova do ta përfaqësojë veten në të gjitha takimet dhe forumet rajonale. Kjo është e rëndësishme dhe nënkupton se më nuk po jetoni nën hijen e UNMIK-ut, tani po e përfaqësoni vetveten", tha Dell në një intervistë për RTK-në.

Ambasadori Dell, foli dhe për përfaqësimin e Kosovës me fusnotë dhe tha se kjo gjë hapë rrugët drejtë një marrëdhënjeje më të ngushtë ndërmjet Kosovës dhe Bashkimit Evropian.

/rg/shqiptarja.com/