POP 5

Lajmet më të lexuara të 5 minutave të fundit

Ekonomi

Deloitte nxjerr raportin:
Borxhi 246 milionë USD

Qeveria aktuale ka një sërë problemesh për të zgjidhur, të trashëguara nga qeverisja e Berishës.
TIRANE- Qeveria aktuale ka një sërë problemesh për të zgjidhur, të trashëguara nga qeverisja e Berishës. Një nga këto është dhe borxhi që shteti ka ndaj bizneseve private, auditimin e të cilit e ka marrë përsipër komapania “Deloitte & Touche”. Ministri i Financave, Shkëlqim Cani, përmes një konference për shtyp, bëri dje publike rezultatet e auditimit që kompania “Deloitte & Touche” ka bërë për borxhin që kjo qeveri i ka biznesit të brendshëm e të huaj. Ministri tha se “Deloitte & Touche” kishte për detyrë të verifikonte vetëm atë pjesë të borxhit që qeveria kishte ndaj biznesit deri në datën 3 gusht 2013.
                     
Borxhi
Shifra e borxhit ndaj sipërmarrjes është rreth 24.6 miliardë lekë
“Deloitte & Touche” ka identifikuar shifrën prej 246 milionë dollarë që buxheti i shtetit i detyrohet biznesit të brendshëm apo të huaj”, - tha Cani. Ky borxh është vetëm në faturat e papaguara që qeveria u ka firmave, dhe këtu nuk përfshihet TVSH-ja e parimbursueshme. Sipas ministrit të Financave "Kjo shifër ka në pjesën e vet, dhe nuk do hyjë në detaje, sektorë të ndryshëm të ekonomisë por pjesën dërmuese e ka pjesa e infrastrukturës, që zë 65 % e kësaj shume dhe më pas shëndetësia, arsimi, etj”.

Shlyerja
Sa i takon shlyerjes së menjëhershme të borxhit Cani tha se kjo ministri ka dëshirën të shlyejë të gjithë njëherësh por kjo do të varet nga huaja për të cilën kanë hyrë në negociata. “Borxhet nuk do shlyhen nga paratë e buxhetit por nga një hua e marrë. Jemi në fazën e negociatave të huasë dhe ta marrim njëherësh dhe të shlyejmë njëherësh. Është dhe një mundësi që të shlyhet nga buxheti, nëse mundemi, mund të bëjmë parapagim deri në momentin kur të marrim hua”,- tha ai. Ndërkaq në një deklaratë të pak kohëve më parë, kreu i Financave ka shpjeguar se pëprara se të shlyhet borxhi, që shteti i detyrohet bizneseve, fillimisht do të kontrollohet përmbushja e kontratës sipas ligjet. Në bazë të përmbushjes së kontratës do të kryhet edhe shlyerja e detyrimeve.

Të tjera
Borxhi i audituar nga kompania “Deloitte & Touche” nuk përbën të gjitha detyrimet që shteti duhet të shlyejë ndaj individëve dhe bizneseve. Cani tha se Ministria e Financave është e ndërgjegjshme që ky borxh ëstë vetëm një pjesë që shteti u ka individëve dhe bizneseve, ndërkohë që pjesë e strategjisë është dhe zbulimi i të gjithë borxhit, me një partner të tretë. Strategjia përfundon në pagimin e borxhit.
Në këtë shifër, të Deloittet nuk përfshihen borxhet që qeveria u ka individëve, detyrime që bazohen në ligje, apo dhe vendime gjykatash.

Shkrimi u publikua sot (05.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Durrës/ Zbulohet ambienti ku ushtrohej prostitucioni, në kërkim dy tutoret nga Kina! Shfrytëzonin dy kineze të tjera

Durrës/ Zbulohet ambienti ku ushtrohej prostitucioni, në kërkim dy tutoret nga Kina! Shfrytëzonin dy kineze të tjera

10 Janar, 09:20