POP 5

Lajmet më të lexuara të 5 minutave të fundit

Kronikë

DËMET/ Të harruarit e Belshit! Pallati iu shpall i pabanueshëm nga tërmeti 5.8 ballë, prej 21 shtatorit në çadra e kasolle

9 familje që prej në fshatin Lisaj të bashkisë Belsh  janë duke jetuar në çadra pasi tërmeti i 21 shtatorit dëmtoi pallatin në të cilin ata jetonin duke e bërë të pabanueshëm. Prej më shumë se 2 muajsh të 37 personat të cilët jetonin në këtë pallat janë duke jetuar në kushte ekstreme. Ata kërkojnë që të merren masa.

Që prej tërmetit të 21 shtatorit 9 familje në fshatin Lisaj të Njësisë Administrative Kajan në Belsh jetojnë në çadra apo në stallë bagëtish. Shkak është bërë shpallja i pa banueshëm i pallatit në të cilin ata jetonin për shkak të dëmtimeve të mëdha që ka marrë nga lëkundjet sizmike të shtatorit, 5.8 ballë. Në kushte mjaft të vështira, banorët shprehen se pavarësisht se ka kaluar më shumë se 2 muaj, për ta nuk është kujtuar askush, duke i lënë në mëshirë të fatit.

“Ne nga tërmeti në 21 shtator, na sollën çadrat, por në çadra nuk rrihet është shumë ftohtë. Inxhinieri erdhi nga Tirana dhe e nxori të pa banueshëm. 9 familje  jemi”, tha një banor i pallatit.

“Nuk është vënë dorë fare. Se çfarë do të bëhet nuk e dimë. I lutemi qeverisë që edhe për ne të marre ndonjë masë. Nuk e di si do të zgjidhet puna jonë" , u shpreh një tjetër.

“Jemi shumë të trishtuar. Siç e shef mos më keq po vuajmë, po flemë në çadra. I lutemi qeverisë. Njerëz jemi, tha një banore.

“Kasollen që bëmë për bagëtitë e kemi rregulluar një çikë dhe po qëndrojmë në të. Kemi frikë të qëndrojmë atje lartë", u shpreh një tjetër banore.

Ndihma e vetme që këta banorë kanë marrë deri më tani janë çadrat e siguruara nga bashkia Belsh, të cilat janë dëmtuar nga përdorimi dhe nuk sigurojnë më mbrojtje në këto ditë mjaft të ftohta që po vijnë.

G.M.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58