Nisur nga situata e rëndë që ndodhet vendi nga zjarret, ministri teknik i Brendshëm Dritan Demiraj ka zbritur në terren.
 
Në faqen e tij në Facebook, Demiraj ka publikuar disa foto nga Krasta duke tentuar që të shuajë flakët me një degë, ndërsa shprehet se situata është e papranueshme.
 
Demiraj akuzon se qeveria vendore, bashkia apo qytetarët e zonës nuk janë angazhuar për të shuar zjarrin që ka përfshirë Kodrën e Krastës prej dy ditësh.
 
Prej disa ditësh vendi është përfshirë nga flakët si pasojë e temperaturave të larta, por edhe zjarrvënies së qëllimshme, ndërsa në Krastë rrezikohen banesat dhe depoja e ujit. 

[gallery]23353[/gallery]
Statusi i plotë i Dritan Demirajt
E papranueshme.
Jam ne Kraste te Elbasanit dhe vetem pak forca zjarrfikese, te ushtrise, emergjencave civile jane angazhuar ne shuarjen e flakeve.
 
Asnje person nga qeveria vendore, bashkia, qytetare te zonave perreth.
 
Kjo situate vihet nen kontroll te plote vetem nese bashkepunojme te gjithe se bashku.
 
Nje falenderim shkon per z Premci dhe strukturat e tij. DD.



dy.b/shqiptarja.com