TIRANË- Partia Demokratike do të nisë më 25 shtator votimet në bazë për listën e kandidatëve të mundshëm me të cilët do të garojë në zgjedhjet e 25 prillit të vitit 2021, proces i cili do të zgjasë deri në 11 tetor. Report Tv mësoi dy ditë më parë, se të parët që do të votojnë do të jenë demokratët e Qarkut të Kukësit, të cilët të premten nga ora 10:00-18:00 do të kenë mundësi të votojnë për listën me të cilën duan të shkojnë në garën elektorale. Kurse anëtarësia e PD në Tiranë do të votojë më 10 tetor për kandidatët, lista e të cilëve do të dalë nga Komisioni i Vlerësimit të Kandidatëve që po punon prej 3 gushtit në selinë blu.
Datat e votimeve sipas qarqeve
Qarku Kukës - 25 Shtator
Qarku Dibër - 26 Shtator
Qarku Gjirokastër - 27 Shtator
Qarku Berat - 28 Shtator
Qarku Shkodër - 30 Shtator
Qarku Lezhë - 1 Tetor
Qarku Durrës - 3 Tetor
Qarku Elbasan - 4 Tetor
Qarku Vlorë - 5 Tetor
Qarku Korçë - 7 Tetor
Qarku Fier - 8 Tetor
Qarku Tiranë - 10 Tetor
Edhe në Qarkun e Elbasanit e Fierit votimet do të zhvillohen brenda periudhës 25 shtator-11 tetor. Por cila do të jetë mënyra e votimit të anëtarëve të PD për listën e kandidatëve? Në udhëzimin e Publikuar nga Partia Demokratike, anëtarësia do të votojë nëpërmjet votës kontestuese.
Çdo anëtar ka të drejtën që të shprehë kontestimin e tij (“votë kontestuese”) për një ose më shumë kandidatë nga lista. Numri i lejuar i kandidatëve që mund të kontestohen, përcaktohet në Fletën e Votimit dhe është jo më shumë se 20 % e numrit total të listës së kandidatëve të mundshëm, që janë përfshirë në procesin e konfirmimit nga anëtarësia, për secilën Degë apo Qark. Kandidati që ka më shumë se 20 % “votë kontestuese”, në raport me numrin e përgjithshëm të anëtarëve të Partisë në atë Degë apo Qark, hiqet nga lista e kandidatëve të konfirmuar dhe përfshihet në listën e kandidatëve që u shtyhet aprovimi.
Secili kandidat që i kërkohet të plotësojë Formularin e Vetëdeklarimit mbi të dhënat e tij, përpara procesit të konsultimit me anëtarësinë, duhet të nënshkruajë një Deklaratë personale, ku merr përsipër përgjegjësitë që të mos përfshihet në praktika të ndaluara që dëmtojnë garën e lirë, të ndershme dhe të barabartë brenda Partisë. Formati i Deklaratës miratohet me urdhër të Sekretarit të Përgjithshëm dhe shkelja e zotimeve të përfshira në të, sjell skualifikimin e menjëhershëm të kandidatit nga Lista e Kandidatëve të mundshëm, që do të përfshihen në procesin e konfirmimit nga anëtarësia apo që i dorëzohen Kryesisë së Partisë pas procesit të konsultimit.
Kandidatët që shkojnë për votim janë rreth 400, nga 1000 që ishte numri i tyre në fazën e parë të vlerësimit. Ata u përzgjodhën nga Komisioni i Vlerësimit të Kandidatëve, të cilët kanë shqyrtuar, fillimisht, kriteret formale. Pas mbylljes së procesit të votimit nga anëtarësia, Komisioni i Vlerësimit të Kandidatëve do të mblidhet sërish për të vlerësuar kandidatët mbi kriterin e performancës politike dhe maksimalizimin e votës. Vendimi përfundimtar i Komisionit do t’i shkojë për miratim Kryesisë së PD.
Fleta e votimit
Dega Kukës
Dega Korçë
Lajme të tjera
-
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35
