POP 5

Lajmet më të lexuara të 5 minutave të fundit

Kronikë

Dëmshpërblimi, jepen këstet
për ish-të përndjekurit politikë
PDF

Qeveria në ikje jep ditët e fundit këste dëmshpërblimi për ish-të përndjekur që përfitojnë atë sipas ligji; ministria e Financave njofton emrat që mund të tërheqin paratë
TIRANE - Janë 186 persona, ish-të përndjekur nga regjimi i para viteve ’90, që përfitojnë dëmshpërblimin e rradhës për disa kategori, të përcaktuara nga ligji. Shqipëtarja.com publikon sot të plotë listën me emrat e tyre. Ata mund të tërheqin paratë në llogarinë e tyre në bankat e nivelit të dytë. Dosjet për të cilat është kryer pagesa kanë marrë këstin e parë ose të dytë. Kjo është lista e fundit e publikuar nga Financat drejtuar nga Ridvan Bode, ministri, e cila gati muaj për muaj ka akorduar dëmshpërblim për shumë dosje.

Nga ana tjetër, drejtoria që merret me përllogaritjen e dëmshpërblimit dhe kryerjen e pagesave pranë Ministrisë së Financave është duke punuar për të kryer pagesat e këstit të radhës. Pjesa më e madhe e 11 mijë dosjeve të miratuara më herët në qeveri kanë përftuar këstin e parë dhe të dytë.

Sa më poshtë, vijojnë emrat e përfituesve të këstit të parë apo të dytë të dëmshpërblimit financiar, që u takon në përputhje me ligjin. Ministria e Financave bën me dije se këta individe duhet të paraqesin pranë Sektorit të Pagesave dhe Dëmshpërblimeve një çertifikatë lindjeje (personale), si dhe numrin e llogarisë bankare për ata që përfitojnë këstin e parë.

Dy muaj para zgjedhjeve, ministri Bode njoftoi se ishte dhënë kësti i parë për të gjithë të përndjekurit. “Për rreth dy muaj do të përfundojë pagesa e këstit të dytë për të gjithë”, shkruante ai në FB. Ky premtim nuk u zbatua pasi qeveria mësoi se nuk do të kishte më pushtetin ekzekutiv. Për gati një vit, kjo kategori sociale ka organizuar protesta dhe greva urie, duke kaluar edhe në vetëflijim, për të kërkuar përshpejtimin e procesit.

Shkrimi u botua sot në gazetën Shqiptarja.com (print) 07.09.2013
 
Redaksia online
(b.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11