TIRANË- Vendimi për dënimin e Izet Haxhisë me 21 vite burg ishte i pritshëm për avokatin e tij Idajet Beqiri. I ftuar në Report Tv, Beqiri thotë se që kur u hodh shorti për të marr në shqyrtim këtë çështje, gjyqtari u zgjodh nga mikja e Argita Berishës. Në ‘Studio Live’ me gazetarët Arbër Hitaj dhe Migena Sotiri, avokati tha se gjyqtari çështjes u komandua nga ish-kryetarja e Gjykatës së Tiranës për të mbrojtur interesat e Sali Berishës.
“I pritshëm sepse që kur u hodh ‘shorti’ u komandua gjyqtari që do merrte çështjen. E komandoi ish-kryetarja e Gjykatës së Tiranës e cila më pas e zuri vettingu dhe sot është jashtë sistemit gjyqësor. Ajo shihet mikja më e ngushtë e Argita Berishës, vajzës së Berishës. Politika dhe krahu politik i Berishës ishte i interesuar që ky rigjykim që u bë me një sforcim të jashtëzakonshëm, qeveria Berishës bëri përpjekje të jashtëzakonshme që Izet Haxhia mos të vinte kurrë në Shqipëri, derisa ai për të sqaruar të vërtetën e vrasjes së Azem Hajdarit, ishte vetë ai që erdhi i bindur që reforma në drejtësi do bënte çudira, ka mbetur jashtëzakonisht i zhgënjyer. Këtyre gjyqtarëve paragjykues, iu dha lëmi, sasia e grurit, kali dhe një litar, litari ishte nga një 20 metro në 25, pra nga 20-25 vjet burg. Prokurori tha 25, gjykata për të qenë më luajale i dha 21”, tha Idajet Beqiri në Report Tv.
Për Report Tv, Beqiri bëri me dije se do ta apelojnë vendimin, ndërsa thekson se vendimi është marrë për t’i bërë qejfin një politikani të pisët, duke iu referuar Sali Berishës.
“Do bëjmë apel, jemi të bindur që Gjykata e Apelit do jetë në përgjegjësinë më të lartë të detyrës, që nuk do lejojë një prokurori dhe një gjykatë të shkallës së parë kriminale, në aspektin që gjykata dhe prokuroria duhet të parandalojnë krimet. Po kur del e vërteta dhe nuk ka dorë Izet Haxhia ti nuk ke pse iu thua fëmijëve të Azem Hajdarit hakmerruni. E thotë sepse mashtron vendimin e vet për ti bërë qefin një politikani të pistë. Gjykata e apelit nuk do ta lejojë”, u shpreh Beqiri në Report Tv.
Beqiri thotë se Gjykata e Apelit do të marrë një vendim të drejtë, pasi sipas tij Izet Haxhia është i pafajshëm.
“Prokurori kërkoi që ai të dënohej dhe të quhej fajtor, për Azem Hajdarin, për vrasjen me dashje të bashkëpunëtorit të tij Besim Çerja dhe Zenel Nezën, por edhe për Naim Çangun që mbeti i vrarë, që ishte me krahun e Fatmir Haklajt. Kur u dënua Izet Haxhia dhe iu ngrit akuza në 1999 dhe u dënua në 2002, në vendim gjyqësor ishin këto fjalë ‘Izet Haxhia nëpërmjet një radio që i ka dhënë Fatmir Haklaj ka qenë një natë para vrasjes dhe ditën e varsjes me grupin që ka organizuar vrasjen dhe ka qenë ai. Në momentin që Azem Hajdari po vinte në drejtim të mjetit, i ka dalë përpara Izet Haxhia dhe pasi kanë bërë një debat sy më sy, ka dal Fatmir Haklaj dhe ka vrarë me breshëri Azem Hajdarin. Për këtë është cilësuar bashkëpunëtor. Ditën që është vrarë Azem Hajdari s’ka qenë farë, nuk është Izet Haxhia. U provua nga raporti i SHIK që e kishin fshehur dhe jepej me hollësi kush e kishte nxjerr në pritë. Këtë thënie të Izet e Haxhisë e konfirmon raporti i SHIK dhe morat e Haklajve”, vijoi ai.
Gjykata dënoi ditën e sotme 21 vite burg për Izet Haxhinë si bashkëpunëtor në vrasjen e ish-deputetit Azem Hajdari në 1998-ën. Ai nuk ishte i pranishëm në sallë, por me anë të një kërkese, Haxhia kërkoi shpalljen i pafajshëm. Haxhia nuk ka bërë kërkesë për gjykim të shkurtuar, për pasojë nuk përfiton ulje me 1/3 të dënimit, e ndërsa dënimin do e kryejë në një burg të sigurisë së zakonshme.
Komente
Lajme të tjera
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
'Nuk pres të më nderojnë me lule', Lapaj në 'Studio Live': Ja gabimi më i madh i Ramës, Metës dhe Berishës
21 Nëntor, 18:29 -
Vota e diasporës/ Ish-kreu i KQZ, Kume: Koston e postës ta paguajë KQZ! Një familje me 4 votues në Kanada i bie të paguajnë 400 dollarë për kthimin e fletës
21 Nëntor, 17:57 -
Propozimi për mbylljen e TikTok dhe Snapchat/ Milva Ekonomi në 'Studio Live': Janë jashtë kontrollit të mësuesit dhe prindit! Duhet të mbrojmë fëmijët tanë
21 Nëntor, 17:31 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54 -
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
'Repolitix'/ A do lirohet Berisha? Idajet Beqiri: Nuk ka shans! Faik Basha: Gjykatat të kapura nga Sorosi! Dhuli: Do bjerë procedura dhe do ta lirojnë
19 Nëntor, 22:49 -
Vrasja e 14-vjeçarit/ Idajet Beqiri në 'Repolitix': Të dënohet dhe prindi për keqedukim! Kthupi: Shoqëri e dhunshme! Dhuli: Nxënësve sot do u gjesh hashash, thikë ose dorezë
19 Nëntor, 21:42 -
Ngjela për Report Tv: Rama e ka të sigurt mandatin e katërt! PD s’ka vota pa ikur Berisha, është non grata
18 Nëntor, 21:09 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Vrasja e 14-vjeçarit, Softa: Të rinjtë qarkullojnë me thika në çanta! Jeta që bëjnë prodhon konflikt! Duhet të ketë shërbime pranë shkollës për parandalim
18 Nëntor, 18:44
Drejtesia e piset dhe politikanet e korruptuar jane gangrena qe gerryen shoqerine shqiptare . Vetingu tregoi se cfar banditesh ka pas sistemi drejtesuse qe suoortuan ne krimet e tyre politikan kriminele qe e nxin jeten e shqiptareve.
Përgjigju