POP 5

Lajmet më të lexuara të 5 minutave të fundit

Kronikë

Denoncime me internet, qytetarët
komunikojnë me policinë me FB

Më tepër arrestime dhe procedime penale për korrupsion dhe ulje e aksidente rrugore ishin 2 prej pikave që spikasnin në analizën e punës 1-vjeçare të Policisë së Tiranës. Sulm korrupsionit elitar në vend.
TIRANE- Më tepër arrestime dhe procedime penale për korrupsion dhe ulje e aksidente rrugore ishin 2 prej pikave që spikasnin në analizën e punës 1-vjeçare të Policisë së Tiranës. Në prani të Ministrit të Brendshmëm Saimir Tahiri dhe kryepolicit Artan Didi, nr 1 i bluve kryeqytetas Ardian Çipa renditi rezultatet e punës, duke e nisur me përpjekjet për të realizuar misionin e saj, të ruajë rendin dhe sigurinë publike duke respektuar të drejtat dhe liritë themelore të njeriut. Krahasuar me vitin 2012, gjatë 2013-ë, janë referuar 865 raste kriminale më tepër. Sipas Çipës, rritje e numrit të veprave penale evidentohet kryesisht në krimet financiare, narkotikët, dhe ato në fushën e qarkullimit rrugor. Vlen për t`u theksuar realizimi i 123 operacioneve policore, ku janë goditur 18 grupe kriminale.

Më tej është evidentuar një rritje maksimale të angazhimit të Antidrogës, ku gjatë 3-mujorit të katërt ku evidentohet rreth 40 për qind rritje e numrit të referimeve. U përmendën operacionet “Mjegulla 1 & 2", në Shëngjergj dhe Zall-Bastar. Strukturat kundër trafiqeve të paligjshme, kanë pasur rritje me rreth 60 për qind të numrit të referimeve. Në Luftën Kundër Korrupsionit ka pasur 50 për qind më tepër rritje rezultatesh gjatë 3-mujorit të fundit të vitit 2013, në raport me periudhën e mëparshme të po këtij viti. Më tej Çipa përmendi operacionin “Fund Marrëzisë”, gjatë të cilit u sekuestruan 1541 makineri.

Gjatë vitit 2013 kanë ndodhur 33 vrasje, nga të cilat janë zbuluar 26, ku në 3-mujorin e fundit kanë ndodhur vetëm 3 vrasje. Ulja e numrit të vrasjeve në 3 mujorin e fundit të vitit ka edhe shkak angazhimin maksimal të strukturave policore për parandalimit duke evidentuar e trajtuar me profesionalizëm çdo konflikt, apo mbajtur në kontroll personat me precedentë kriminal. Vjedhje banesash kanë ndodhur 404 raste, ndërsa për zbulimin e ngjarjeve të vjetra të pa zbuluara, janë rifilluar dhe  dokumentuar gjithsej 117 ngjarje të tilla.

Po kështu gjatë vitit analizues janë kapur gjithsej 512 persona të shpallur në kërkim, ose 32 persona më shumë se gjatë vitin 2012. Është standartizuar nga të gjitha shërbimet e policisë masa e arrestimit në flagrancë ndaj përdoruesve të mjeteve në gjendje të dehur dhe pa dëshmi aftësie, si një masë që ka dhënë rezultate shumë pozitive në parandalimin e aksidenteve me pasoja të rënda. Gjatë 3-mujorit të katërt të vitit 2013, janë arrestuar në flagrancë 185 shtetas.

Gjatë muajit Nëntor-dhjetor 2013 është zhvilluar nisma e policimit mbi shpërndarjen e kartëvizitave nga Specialistët e Policisë në Zona për qytetarët, bizneset, etj. Vijon programi sensibilizues për efektet negative nga përdorimi i substancave narkotike, në të gjitha shkollat 9-vjeçare të kryeqytetit. Janë plotësuar 665 kërkesë padi për mbrojtjen e viktimave të dhunës në marrëdhëniet familjare.

Çipa tha se disa prej prioriteteve gjatë vitin 2014 do të jenë: Rritja e cilësisë së shërbimit të Policisë së Tiranës në zbatim të filozofisë së Policimit në Komunitet, forcimi i partneritetit polici-komunitet, me fokus të rinjtë duke ndërtuar nje infrastrukturë komunikimi kryesisht online me anë të “facebook”, por dhe të një ëebsite, i cili veç komunikimit të projekteve apo ngjarjeve më të fundit, do të ofrojë mundësinë e denoncimeve, forcimi i luftës kundër krimit të organizuar, trafiqeve të paligjshme e veçanërisht të qënieve njerëzore e narkotikëve, korrupsionit në nivele të larta, etj.

krimi ne 2013
(Në foto: Tabela me krimet e ndodhura gjatë vitit 2013)

Shkrimi u publikua sot (19.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

15 Janar, 20:57