Denoncimi i skandalit me Metën në median austriake, reagon Presidenca: Shpifje dhe gënjeshtra të fabrikuara

Akuzat e publikuara sot në gazetën më të madhe të Austrisë për Ilir Metën, Presidenca i konsideron si shpifje dhe gënjeshtra të fabrikuara. Reagimin e ka bërë në Facebook, zëdhënësi i Metës Tedi Blushi.

“Presidenti i Republikës, Ilir Meta është njohur sot me një shkrim pa autor të publikuar në gazetën austriake “Kronen Zeitung”, artikull që përmban veçse shpifje dhe gënjeshtra, të hershme dhe të konsumuara prej vitesh. Këto shpifje, mjerisht të fabrikuara dhe të hedhura në tregun mediatik edhe kohë më parë, e kanë marrë përgjigjen shumë të qartë dhe në mënyrë asgjësuese, që në prill të vitit 2018. Edhe kjo përpjekje e radhës, e rifabrikuar në mënyrë qesharake dhe vulgare, do të marrë përgjigje përpara drejtësisë austriake. Presidenti i Republikës, ka autorizuar stafin dhe mbrojtësit ligjorë, që të përgatisin menjëherë padinë “Për përhapjen e të dhënave të pavërteta”, “Shpifje”, “Cenim të imazhit publik”, që në këtë rast cenon rëndë edhe interesat e larta shtetërore”, shkruan Blushi.

LEXO EDHE:
VIDEO/ Rrëzim dramatik për çiklistin, përplas kokën me shtyllën! Kaska i shpëton jetën

Lajmi kryesor:

Gazeta austriake denoncon skandalin: Afera 700.000$ e presidentit shqiptar me kompaninë offshore! Njeriu që zbuloi faktet kërcënohet me jetë

K.T./Shqiptarja.com

TAG:
• skandali i lobimit te LSI
• austri
• kronen zeitung
• monika kryemadhi
• Ilir Meta
• LSI