TIRANE- Ka shkuar që të zgjidhë një problem familjar, që vëllai e saj ka me policinë
e Shtetit, por është përballur me kërkesën e shefit të rendit, që tia zgjidhë këtë problem, kundrejt favoreve seksuale. Denoncimin e ka bërë njëqytetare nga Pogradeci, vajza e një zyrtari të doganës së Kapshticës, i njohur brenda dhe jashtë vendit si mbrojtës i emigratëve dhe i PD-së, partisë në pushtet. U. Gjata, 23-vjeçare,në denoncimin e saj akuzon drejtpërdrejt shefin e Rendit në komisariatin e Policisë së Pogradecit për ngacmim seksual.

Mbi marrjen e të dhënave nga personi që ka dijeni mbi veprën penale Në Pogradec , viti 2012, muaji shkurt, data 22, ora 17:40
Unë Nazar Lamo Oficer I Policisë Gjyqësore në SH.K.B pranë MB, në mbështetje të neneve 297,155-160,dhe 3022 gërma "c" të K.Pr.Penale mbaj
këtë procesverbal për marrjen e të dhënave që tregojnë rrethanat e veprës penale nga shtetësja U.Gjata , bija e Urimit dhe e Violetës dtl 21.06.1989, lindur në Tiranë dhe banuese në Pogradec, rruga "Reshit Çollaku", arsimi i mesëm, gjendja familjare beqare, me numër telefoni 067xxxx, gjendja gjyqësore e pa dënuar, me kombësi dhe shtetësi Shqiptare. Pasi ju shpjeguan netet 155-160 të K.Pr. Penale të cilat bëjnë fjalë për rregullat e dëshmisë dhe ju kërkua të tregojë gjithcka di për rrethanat e veprës penale, dhe presionit të cilës i atribohet vepra, si edhe pasi u paralajmërua për përgjegjësi penale
që ka nëse bën deklarim të rremë para oficerit të policies gjyqësore duke dhënë shpjegime që e di që janë tërrësisht ose pjesërisht të rreme, apo fsheh fakte ose prova, në bazëtë nenit 305b të K.Penal, dënohet me burg deri në gjashtë muaj. Me vullnetin e tij të lirë bën këtë.

DEKLARATË
Jam me banim në adresën e mësipërme. Sot më date 22.02.2012 rreth orës 08:30 diku afër derës së Komisariatit të Policisë Pogradec jam takuar me punonjësin e policies Kujtim Isai i cili më është prezantuar si shoku i babait tim Urim Gjata dhe më tha që jam shoku i babait tënd dhe dua të pi një kafe me ju personalisht pa e marrë vesh njeri. Në këtë moment unë e pyeta se përse duhet të pimë kafe bashkë. Ai më tha se kot vetëm për të të pyetur për disa gjëra. Më pas Kujtimi u largua nga unë në drejtim të lokalit. Pas pak minutash Kujtimi u afrua sërisht dhe përsëri më tha se jam shoku i babait tënd dhe kam pirë disa herë kafe me babain tënd dhe më tha se më trego se çfarë problemesh kanë babai im me vëllanë tim. Unë i thash se këto janë probleme familjare. Dhe më tha se unë dua të të ndihmoj se babain tënd e kam shok. Mbas kësaj Kujtim Isai më tha se do shkoj tek Shefi i Parandalimit të Krimit Laert Çeliku për t'i folur për vëllanë tënd pasi takova vëllanë tend dhe i fola që të jetë i qetë dhe se do ta ndihmojmë. Më pas Kujtim Isai u largua nga unë dhe shkoi te punonjësi Laert Çeliku për një farë kohe të shkurtër u kthye përsëri tek unë dhe më tha se vëllai ka edhe disa procedura ligjore për të kryer dhe pas 10-15 minutave vëllai juaj Orgest Gjata do të dalë. Pas kësaj Kujtimi mu drejtua ballë për ballë dhe më tha : "Ne të dy do të pijmë një kafe dhe mbaje mend fytyrën time, mbaje edhe numrin tim," dhe ma dha që fillonte me 069… nuk më kujtohet më tutje si ishte pasi e fshiva menjëherë pasi kisha hall se ma shikonte babi im telefonin dhe do të ndizej sherri menjëherë. Punonjësi i policisë Kujtim Isai më përsëriste fjalët:" Dua të pi një kafe me ty se kam një punë për ty, me ty." Unë në këtë moment kam ulur vetullat në kuptimin që nuk jam e disponueshme për këtë muhabet. Ai mu drejtua me fjalët: "Mos ki merak se nuk është punë e keqe". Pas kësaj bisede unë nuk i ktheva përgjigje as negative dhe as pozitive se në këtë moment më ra telefoni dhe se ai u
largua pa marrë ndonjë përgjigje konkrete. Në këtë moment fola me Pëllumbesha Gjoni, të cilës i kam treguar në telefon çdo gjë që më ndodhi në Komisariatin e Policisë Pogradec me punonjësin e policies Kujtim Isai. Pas kësaj i kam telefonuar babait tim, Urim Gjata, i cili punon në Doganën e Kapshticës, të cilin e pyeta se kush është punonjësi i policies Kujtim Isa. Ai më pyeti se çfarë problemi ke me të. Unë i shpjegova se jam të komisariati ku më le dhe këtu më është afruar dhe më ka folur punonjësi I policies Kujtim Isai, i cili më ofroi ndihmë. Babai më tha që s'ke punë me të. Sqaroj se babait tim Urim Gjata nuk i kam sqaruar gjithë bisedën që unë bëra me Kujtimin pasi doja të shmangia konfliktin midis tyre. Pasi gjithë bisedën që bëra me punonjësin, nxora konkluzionin se të tëra bisedat që bëra rridhnin se ai ishte një ngacmim me qëllime jo të mira (ngacmim seksual). Sa më sipër thëniet e mia janë të vërteta dhe procesverbalin pasi e lexoj e nënëshkruaj pa vërejtje.
Deklaruesi U. Gjata
Oficeri i Policisë Gjyqësore Nazar Lamo

(Në foto: Urim Gjata dhe Sali Berisha në 2006)

(aq/shqiptarja.com)