POP 5

Lajmet më të lexuara të 5 minutave të fundit

Politikë

Denoncon Rithemelimi: Pasaporta e artë e Edi Ramës, pasaportë për bajlozët e krimit

‘Pasaporta e artë’ është një nismë e rrezikshme, për sigurinë e vendit. Kështu deklaroi një konferencë për shtyp zëdhënësja e Rithemelimit, Floriana Garo, e cila tha se kjo pasaportë nuk është gjë tjetër veçse pasaportë për bajlozët e krimit të lidhur me Edi Rama

‘Pasaporta e artë’ është një nismë e rrezikshme, për sigurinë e vendit. Kështu deklaroi një konferencë për shtyp zëdhënësja e Rithemelimit, Floriana Garo, e cila tha se kjo pasaportë nuk është gjë tjetër veçse pasaportë për bajlozët e krimit të lidhur me Edi Rama.

Sipas Garos, pasaporta e artë i hap rrugë, si personazheve me kapacitete financiare kriminale apo të dyshimta, të lidhura ngushtë me Edi Ramën, ministrave dhe zyrtarëve të tij, ashtu edhe celulave të terrorizmit ndërkombëtar.

‘Një qeveri që nuk ruan dot as portalin e vet të cilin ia ‘thyejnë’ disa hakera amatorë, të cilët Edi Rama Megallomani i paraqet si ‘fuqi të huaja’, ka ndërmarrë edhe një hap tjetër që e çon para greminës sigurinë kombëtare.

Pasi ka shitur çdo gjë publike dhe ka bërë publike çdo të dhënë të shqiptarëve;  pasi ka hapur portat e ndeshjes së demave të krimit me moton ‘hëngshi kokat tuaja!’;  pasi i ka hedhur interesat kombëtare në ‘gojën e ujkut serb’ që atij i duket vëlla, Edi Rama ka gati pabesinë e radhës në shpinë të Shqipërisë dhe shqiptarëve.

‘Pasaporta e artë’, e paraqitur si nismë për të ofruar biznesin dhe investimet e huaja, nuk është gjë tjetër veçse fundi i pafund i marrëzisë liberale të Edi Ramës. 

Partia Demokratike e kundërshton këtë nismë të qeverisë së inkriminuar kokë e këmbë si një nismë të rrezikshme për sigurinë e vendit, rajonit, Bashkimit Europian e me gjere, sepse i hap rrugë, si personazheve me kapacitete financiare kriminale apo të dyshimta, të lidhura ngushtë me Edi Ramën, ministrave dhe zyrtarëve të tij, ashtu edhe celulave të terrorizmit ndërkombëtar.

Ky është qëndrimi ynë i palëkundur dhe që shkon në drejtim të interesit publik. Qëndrimi ynë mbështet edhe qëndrimin e drejtë të Komisionit Europian i cili e ka thënë qartë: 

“Skema të tilla paraqesin rrezik në lidhje me sigurinë, pastrimin e parave, evazionin fiskal, financimin e terrorizmit dhe infiltrimin nga krimi i organizuar dhe janë të papajtueshme me legjislacionin e BE-së. Si vend kandidat, Shqipëria duhet të përmbahet nga zhvillimi i një skeme të tillë”.

Partia Demokratike e di arsyen pas kësaj nisme të Edi Ramës, e cila edhe mendjes më të pastërvitur do t’i dukej jo logjike. Ai nuk është budallai, por është shejtani që luan budallain, me një qëllim final që lidhet me forcimin e pushtetit personal dhe të sektit anti-shqiptar që drejton dhe dobësimin e forcës reaguese të ekonomisë dhe publikut vendas. 

Më shumë se kaq, ai sprovohet në një ushtrim të vjetër anti-europian që ka nisur që në vitin 2013 kur bllokonte negociatat me tri ligjet e famshme. 

Vendimi për të akorduar pasaporta të arta për zgëqet financiare të botës është pjesë e planit për të mbajtur shqiptarët poshtë dhe Europën jashtë. Kalimi i këtij vendimi do të thotë përplasje direkte me Bashkimin Europian dhe direktivat e tij. Do të thotë bllokim i kapitujve të anëtarësimit të Shqipërisë. 

Edi Ramës i intereson kjo, sepse skaneri i BE mbi aktivitetin e qeverisë do t’i detektonte shenjat e gishtërinjve të tij dhe klikës, të ndotur nëpër punët e pista dhe rrugët e së keqes, që ai ka hapur në shpinë të Shqipërisë, që nga koha kur shpalli ‘të vetmen rrugë’, tek ‘drejtimi i duhur’, për ta përfunduar Shqipërinë në krye të çdo listë të zezë globale, për faqen e tij të zezë.’- tha Floriana Garo.

Në një vendim të marrë më 29 korrik, Qeveria shqiptare i dha jetë një projekti për t’i dhënë shtetësi shqiptare për shtetas të huaj dhe të pasur që duan të investojnë në Shqipëri. Këshilli i Ministrave i hapi rrugën punësimit të një kompanie ndërkombëtare për promovimin e pasaportës shqiptare në botë, një kontraktim në formën e koncesionit.

Programi “Qytetaria me Investim” është i pranueshëm në disa vende evropiane por autoritetet në vendet e BE-së shpesh e kanë kritikuar një skemë të tillë pasi shpesh është përfshirë në afera të paligjshme si pastrimi i parave dhe korrupsioni, edhe pse Skemat e Pasaportës së Artë sjellin përfitime të konsiderueshme për sektorin ekonomik.

Megjithatë Brukseli ka një mendim tjetër. Sipas raportit të fundit të progresit të Shqipërisë, të prezantuar vitin e kaluar, thuhet se vendosja e një skeme të tillë përbën rrezik edhe për sigurinë e vendit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Flori: 30/08/2022 19:58

    Nuk e kuptoj kete lloj opozite por kuptoj qe pd eshte ne agoni

    Përgjigju
  • Turi: 30/08/2022 19:57

    Po tani ke ven florianen kryetare

    Përgjigju
  • asi: 30/08/2022 17:31

    rama po realizo plot proekte ne te miren e vendit por e keni mendien vetem me u hedh balt ketyre risive

    Përgjigju
    • Arbërori: 04/09/2022 09:40

      Qfar të mira shef o i mjerë o i verbuar

  • Lea: 30/08/2022 17:30

    Shihni partine tuaj njehere dhe rregullojeni mos u merrni me ramen

    Përgjigju
  • alban: 30/08/2022 17:29

    foli dhe kio debila pd,, e ti kishe ngel pa fol ,,ec mi moter rri rehat c merresh me idiotsirat e pd

    Përgjigju
  • Prajla: 30/08/2022 17:27

    Aman m keta te pdse veten me llafe merren. Hidhini syte nga vetja njehere

    Përgjigju
  • altin: 30/08/2022 17:01

    aman m ju se leni nam me kto lloj shpifjesh qe sajoni

    Përgjigju
  • miri: 30/08/2022 17:00

    sa gjynah jeni ju te pd me kshu shpifjesh

    Përgjigju
  • Kaka: 30/08/2022 16:21

    Ju jeni grada zh. Ikni kujdesuni per veten sa sjeni fut akoma nburg

    Përgjigju
  • Papi: 30/08/2022 16:20

    Bajlozi i krimit esht sali berisha nongrata ne gjith ato shtete

    Përgjigju
  • Olta: 30/08/2022 16:17

    Jeni kaq per te ardhur keq ju partia demokrate turp me te tilla lajme

    Përgjigju
  • Bora: 30/08/2022 16:16

    Flisni palidhje se kte pun keni asgje te sakt sbeni ju te pd

    Përgjigju
    • Arbërori: 04/09/2022 09:42

      Bora Vukmirović , leti marrzinat

  • Sara: 30/08/2022 16:00

    Per te ardhur keq jeni ju te pd

    Përgjigju
  • Ana: 30/08/2022 15:59

    Se kuptoj si flasin keshtu per nje njeri aq ountor si rama

    Përgjigju
  • Roni: 30/08/2022 15:35

    Mos hidhni balte kot mbi Ramen

    Përgjigju
  • Klodi: 30/08/2022 15:30

    A kta te PD veq tflasin budalliqe din

    Përgjigju
  • Toni: 30/08/2022 15:30

    Ju te pd jeni gjithe mafioze krimi

    Përgjigju
  • Geri: 30/08/2022 15:29

    Hajde hajde lajme palidhje

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16