Deputetët e Rithemelimit u futën në Kuvend nga dritarja, Berisha: U detyruan të bëjnë tarzanin, skenë unike

 

Deputetët e Rithemelimit u futën në Kuvend nga dritarja, pasi Garda nuk i lejoi për shkak se ishin të përjashtuar. Berisha e quajti këtë skenë unike, për të cilën thotë se deputetët u detyruan të bëjnë tarzanin pasi nuk i lejuan që të futet në kuvend për të marrë pjesë në takimin e grupit të Rithemelimit.

“Për herë të parë deputetët e PD u detyruan të bëjnë tarzanin për të hyrë në zyrën e tyre në parlament, të ngjiten mbi mure. Kjo skenë është një skenë unike në mediat e botës, kjo skenë po qarkullon sot si dëshmia më flagrante e narko-shtetit, e regjimit të Ramës të bazuar në drogën, krimin dhe vasalët e tij. Akt më të rëndë nuk mund të ketë. Deputetët e opozitës kishin mbledhjen e tyre në sallën e grupit parlamentar. Mund ta përjashtosh deputetin nga seancat ose pjesëmarrja në komisione, por kurrë pa i heq imunitetin nuk mundi ta përjashtoj nga pjesëmarrja në mbledhjen e grupit parlamentar”, tha Berisha.

LEXO EDHE:
Metamorfoza/ Dumani 'kryqëzon' Nokën: Shumë fyese dhe denigruese të aludosh se dekonspiruam operacionin, kemi punuar me shpirt! S'ka shans të më akuzojë mua policia

Lajmi kryesor:

Tension në Kryesinë e Kuvendit/ Garda u mbylli portën, deputetët e përjashtuar të Rithemelimit futen nga dritarja! Berisha: U detyruan të bëjnë tarzanin

SI.E./r.k./Shqiptarja.com

TAG:
• sali berisha
• Rithemelimi kaos ne kuvend
• gazment bardhi
• flamur noka