POP 5

Lajmet më të lexuara të 5 minutave të fundit

Politikë

SHBA/ Escobar bën bashkë deputetët e PS dhe të opozitës, ambasada: Kënaqësi t'i shohësh! Bardhi: SHBA aleati ynë kyç, me fat që i kemi në krah

Një takim në Departamentin Amerikan të Shtetit me të dërguarin e posaçëm të SHBA-ve në Ballkan, Gabriel Escobar ka bërë bashkë disa deputetë të mazhorancës dhe opozitës. Në foton e publikuar, deputetët socialistë si Gjiknuri, Majko e Deliu shfaqen krah të dërguarit të posaçëm për Ballkanin, Gabriel Escobar dhe deputetëve demokratë Bardhi e Çupi.

SHBA/ Escobar bën bashkë deputetët e PS dhe të opozitës, ambasada: Kënaqësi t'i shohësh! Bardhi: SHBA aleati ynë kyç, me fat që i kemi në krah

Deputetët shqiptarë takim me Escobar dhe zyrtarë amerikanë

Deputeti i Partisë Demokratike Gazment Bardhi në kuadër të vizitës që deputetë të Kuvendit po zhvillojnë në Uashington të SHBA-ve, ka publikuar së fundmi edhe foto nga takimi që kanë patur në Departamentin Amerikan të Shtetit me të dërguarin e posaçëm për Ballkanin Perëndimor, Gabriel Escobar. 

Bardhi shkruan se Shqipëria duke qenë një vend anëtar i NATO-s, duhet t’u qëndrojë standarteve demokratike dhe të punojë për të qenë pjesë e BE-së. Krah tij në foto shfaqen edhe deputetët e PS-së.

“Gjatë vizitës në Uashigton DC, zhvilluam një takim në Departamentin e Shtetit me zv. Ndihmës Sekretarin Amerikan të Shtetit dhe të dërguarin për Ballkanin Perëndimor z. Gabriel Escobar. SHBA mbetet aleati ynë kyç dhe shqiptarët janë me fat që i kanë në krah.

Shqipëria si vend anëtar i NATO-s, duhet ti qëndrojë standarteve të një vendi demokratik dhe të punojë me vendosmëri për t’u bërë pjesë e BE”- shkruan Bardhi në facebook.

Për këtë takim ka pasur edhe një reagim nga ambasada e SHBA në Shqipëri në rrjetin social ‘X’, ku shkruhet se është kënaqësi kur deputetët shqiptarë punojnë së bashku për çështje të rëndësishme.

“Kënaqësi të shohësh përfaqësues të zgjedhur shqiptarë në Uashington së bashku për të punuar për çështje të rëndësishme për popullin e Shqipërisë. Shtetet e Bashkuara vlerësojnë partneritetin e fortë me Shqipërinë dhe përfaqësuesit e saj të zgjedhur në çështje të rëndësishme rajonale dhe ndërkombëtare. Populli shqiptar meriton një demokraci të fortë, të shëndetshme, ku të gjithë aktorët politikë punojnë së bashku për të mirën e përbashkët të vendit”- shkruhet në reagim.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Finole: 01/02/2024 07:52

    Për kë është kjo foto? Apo për shit-mend

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29