POP 5

Lajmet më të lexuara të 5 minutave të fundit

Ekonomi

Deputetit i PS Iiri Beqja:
INSTAT-i fsheh statistikat

Sipas opozitës, Instituti i Statistikave jep shifra të vonuara dhe jo të sakta. Ndërkohë, programi i publikimit të statistikave zyrtare, që miratohet në Kuvend, i fshihet publikut, deklaroi sekretari për Programin Ilir Beqja.
Deputetit i PS Iiri Beqja:<br />INSTAT-i fsheh statistikat
TIRANE - “Fshehja dhe vonesa në publikimin e programit statistikor është një sëmundje e vjetër e INSTAT-it”. Sekretari për programin e Partisë Socialiste, Ilir Beqja në një deklaratë për mediat ka reaguar dje në lidhje me publikimet e Institutit të Statistikave, që, sipas tij, janë të vonuara dhe jo të sakta.

Në Fletoren Zyrtare është publikuar vetëm vendimi i miratimit të programit, por jo vetë programi, pra programi i statistikave zyrtare i fshihet publikut, u shpreh ai.

PUNËSIMI

“Edhe pse programi është miratuar zyrtarisht, INSTAT vijon të mos e respektojë kalendarin e publikimeve. Në datën 15 shkurt duhet të publikoheshin rezultatet e anketës së forcave të punës për vitin 2011, por ende nuk janë publikuar.

Berisha thotë që janë krijuar mijëra vende pune, por ata janë të padukshëm. Sipas asaj që publikon INSTAT në fund të 2012-ës, të punësuar janë 927.400 vetë. Po sipas INSTAT-it, në fund të vitit 2008 të punësuar janë 974.070 vetë, pra 46 mijë e 600 vetë më pak. Kë të besojnë shqiptarët?” shtron ai pyetjen.

BUJQËSIA

Nga ana tjetër, në datën 28 shkurt duhet të publikoheshin të dhënat paraprake nga regjistrimi i njësive ekonomike bujqësore, por nuk janë botuar. Edhe në këtë rast, INSTAT-i në një vend thotë se në vendin tonë ka 353 mijë ferma, ndërsa tek publikimet e Censusit, thuhet se në Shqipëri janë 313 mijë njësi ekonomike në fshat.

ARSIMI

Sipas kreut të qeverisë, 92% e nxënësve që mbarojnë arsimin e detyrueshëm, mbarojnë edhe shkollën e mesme. Po të dhënat zyrtare të publikuara thonë se në periudhën 2008-2010 kanë mbaruar arsimin e mesëm sëbashku - të përgjithshëm dhe profesional – si më poshtë: Në 2008-ën 31 mijë vetë, në 2009-ën 34 mijë vetë, në 2010-ën 34.800 vetë.

Ncënësit janë ata që në periudhën 2004-2006 kanë mbaruar arsimin e detyrueshëm. Sipas INSTAT-it, këta ishin në 2005-ën 59 mijë vetë, në 2006-ën 58 mijë vetë, në 2007-ën 55 mijë vetë. Para, sipas Beqjes, duket qartë se nuk janë 8% ata që nuk e mbarojnë dot shkollën e mesme, por 40%.

Ai shtoi se për statistikat e rendit dhe të sigurisë publike INSTAT-i nuk ofron asgjë.
Kaosi mbetet në fuqi, edhe pse para pak javësh u miratuan ndryshime në ligjin e statistikave. Në vend çështja nuk është tek miratimi i ligjit, por tek zbatimi i tij.

Shkrimi u botua në gazetën Shqiptarja.com (print) 03.02.2013

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Protesta e PD-së/ Tek Zogu i Zi policia krijon një rrugë për të lehtësuar trafikun e makinave që vijnë nga ish-sheshi Shqiponja

Protesta e PD-së/ Tek Zogu i Zi policia krijon një rrugë për të lehtësuar trafikun e makinave që vijnë nga ish-sheshi Shqiponja

26 Nëntor, 17:39