Deputetja socialiste e këtij qarku, Almira Xhembulla, shpjegoi se si kishte vënë në lëvizje zyrën e kryeministrit për të hetuar këtë çështje.
“Gjuetarët e ujit” që s’po lënë vijë a hurdhë në Shqipëri pa kërkuar ta shfrytëzojnë, kanë gjetur një hapësirë për të cenuar interesin tonë të përbashkët. Si deputete e Dibrës, si qytetare, si advokuese e së drejtës së komuniteteve në menaxhimin e burimeve natyrore, që në momentin kur mora informacion për një vendimmarrje që lidhej me ujin e llixhave, në koordinim me Kryetarin e Bashkisë e përcolla shqetësimin dhe kërkova informacion tek të gjithë instancat përkatëse. Menjëherë nga Zyra e Kryeministrit u dha urdhër për ngritjen e një grupi pune për të vlerësuar procesin dhe vlefshmërinë e kësaj vendimmarrje”,-thotë Xhembulla.
Deputetja socialiste thotë ka zhvilluar Dëgjesë Publike me përfaqësues te biznesit, qytetarë dhe punonjës të llixhave bashkë me kryetarin e bashkisë Dibër.
![](https://shqiptarja.com/template/img/NO_ALFA_Kuadrate shqiptarja.png)
“Sigurisht për vetë ndjeshmërinë e lartë që ka çështja, diskutimi ishte shumë intensiv. Për të gjitha teknikalitetet do të shprehet grupi i punës i cili do të ketë në përbërjen e tij edhe përfaqësues të Bashkisë Dibër, por ajo çka ne ndamë me pjesëmarrësit në takim ishte si më poshtë: vendimi është “Leje për marrjen në përdorim”; vendimi është marre nga Këshilli i Basenit Ujor Drin-Bune; përfaqësuesit e Dibrës kanë votuar kundër dhe kanë paraqitur argumentet e tyre, për mos pranimin e kësaj leje; kjo leje nuk mund të shfrytëzohet pa marrë leje shfrytëzimi dhe ndërtimi pranë baskisë dhe bashkia është e angazhuar maksimalisht për të gjetur të gjitha format për ta bllokuar këtë vendim”,-thotë deputetja socialiste e Dibrës.
Xhembulla shprehet se personalisht është kundër dhënies së kësaj licence vetëm për disa kompani private që jua heqin shfrytëzimin banorëve të zonës.
“Ndërkohë sa më takon, jam në krah të qytetarëve dhe njësoj si ta mendoj që kjo leje duhet të pezullohet sa më parë. Nuk po ndalem te interpretimi politik që i është bërë kësaj çështje, por dua të besoj që të gjithë jemi në një mendje që qytetarët janë të parët dhe e gjithë vëmendja është tek to”,-tha deputetja socialiste.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)