X

POP 5

Lajmet më të lexuara të 5 minutave të fundit

Sport

'Derbi i botës'! Argjentina kalon me penallti Kolumbinë, në finalen e Kupës së Amerikës përballet me Brazilin

Argjentina ks sigurar me shumë vështirësi finalen e Kupës së Amerikës, pasi në gjysmëfinale ka mposhtur me penallti Kolumbinë. Më 11 korrik albicelestët trofeun do ta diskutojnë me Brazilin, një superpërballje që anglezët e konsiderojnë si derbi i botës.

Argjentina ka siguruar me shumë vështirësi kualifikimin në finalen e Kupës së Amerikës së Jugut. Skuadra e drejtuar nga Scaloni ka mposhtur në gjysmëfinale me penallti Kolumbinë, pasi 90 minutat u mbyllën me shifrat e barabarta 1-1.

Ndeshja e zhvilluar në stadiumin nacional të Brasilias u zhbllokua që në minutën e 7. Lionel Messi lëvizi bukur në zonë duke asistuar për Martinez, me sulmuesin e Interit që nuk fali.

Goli, ndryshe nga ç’pritej, ndikoi që Argjentina të ulte ritmin. Për pasojë në pjesën e dytë, konkretisht në minutën e 61, Diaz barazoi shifrat për Kolumbinë.

Më tej edhe pse kishte dhe 30 minuta lojë gjysmëfinalja u mbyll me shifrat 1-1. Te penalltitë më të saktë u treguan ‘albiçelestët’, të cilët realizuan saktësisht me Messi-n, Paredes dhe Martinez, ndërsa gaboi vetëm De Paul. Te Kolumbia 11-metërshat nuk arritën t’i realizonin Sanchez, Mina dhe Cordona, duke humbur 4-2.

Në finalen e madhe, që do luhet me datë 11 korrik në orën 02:00 të mëngjesit, Argjentina do të ndeshet me Brazilin, që është edhe organizatorja e kompeticionit. Kjo përballja njihet si Superklasiko, ndërsa në Angli e cilësojnë si derbi i botës. Argjentina është 14 herë fituesja e kupës së Amerikës, ndërsa Brazili 9 herë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Pas 4 mbledhjeve të dështuara, sot rinis punën Komisioni Hetimor për Shëndetësinë! PS kthehet në tryezë, gati planin e hetimit

Pas 4 mbledhjeve të dështuara, sot rinis punën Komisioni Hetimor për Shëndetësinë! PS kthehet në tryezë, gati planin e hetimit

23 Prill, 07:59