Milani dhe Interi luajnë të hënën në 20:45 për raundin e 33-të në Serie A. Derbi i dytë mes tyre këtë sezon mund të vendosë zyrtarisht tiullin kampion, me zikaltërit që me një tripikësh do vendosnin yllin e dytë në bluzë për titullin e 20-të në histori dhe do fitonin derbin e gjashtë radhazi.
Derbi i Madoninës është komentuar nga dy trajnerët, me Stefano Piolin e Milanit që pret kritika nga gazetarët dhe tifozët, kjo më shumë për eliminimin nga Europa League. Duket se vera do sjellë ndarjen e rrugëve mes palëve, me Milanin që po sheh për trajner të ri.
"Ndeshja ndaj Interit është një mundësi për t’u ringritur. Vendosini çfarë emri të doni, quajeni një ndeshje për krenarinë, për përgjegjësinë apo për flamurin. Për klasifikimin, apo për eliminimin nga Europa League, unë di që është një ndeshje shumë e rëndësishme. Një fitore në derbi ka shumë domethënie. Nuk dua që të flitet për mua, është folur shumë këto kohë dhe kjo nuk i bën mirë askujt.
Kritikat? Milani im mund të bëj edhe më shumë. Mua nuk më interesojnë kritikat, gazetarët dhe tifozët mund të flasin sa të duan. Ka nga ata që i bëjnë kritikat duke pasur respekt, ka edhe nga ata që nuk e bëjnë në këtë formë", tha Pioli, që pret 70 mijë tifozë të mbështesin ekipin në "San Siro".
Nga ana tjetër, Simone Inzaghi nuk e fsheh kënaqësinë e një titulli në derbi, ndërsa thotë se të tijtë kanë dominuar sezonin.
"Derbi është gjithmonë derbi, ndaj ka ndjenja të shkëlqyera. Ditët e fundit kemi punuar shumë dhe mirë sepse nesër mund të jetë një ditë e veçantë për familjen Inter. Duam të luajmë një derbi të madh, pritshmëritë janë shumë të larta dhe ne e dimë se kemi fituar pesë derbit e fundit, por ato derbi nuk do të llogariten nesër. Do të jetë e rëndësishme se çfarë do të bëjë skuadra në fushë kundër një kundërshtari që është i dyti në tabelë, i cili do të bëjë gjithçka për mos na dhënë kënaqësinë e titullit.
Duhet të jem i sinqertë, folëm me djemtë për atë që po bëjmë. Udhëtimi i këtij viti ka qenë madhështor dhe nesër mund të jetë një ditë madhështore. Kemi nisur punën më 13 korrik dhe kemi dominuar një sezon të gjatë", tha trajneri nga Piacenza, që u kujdes të theksonte se kanë pesë derbi që fitojnë.
Lajme të tjera
-
Sot kundër Juventusit, Fonseca: Ne jemi Milani, fitojmë! Motta: Na duhet një ndeshje e madhe
23 Nëntor, 16:13 -
Napoli parakalon Juventusin, në Itali e bëjnë të sigurt: Ardian Ismajli ka akord me të kaltrit
22 Nëntor, 15:39 -
Kristjan Asllani pret edhe një shans nga Interi, më pas në diskutim e ardhmja! Projektohet nga minuta e parë
22 Nëntor, 13:30 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
Ish-mesfushori i Interit, Guarin flet për luftën me alkoolin: Piva 70 birra në një natë, kam tentuar vetëvrasjen
21 Nëntor, 15:21 -
Serie A/ Stadiumi 'sold-out' për Milan - Juve! Dëmtohet Vlahovic, për kuqezinjtë ka rikthime
21 Nëntor, 12:01 -
Buffon: Po, kam vendosur baste! Kurrë për Juven dhe Italinë
21 Nëntor, 10:25 -
Ardian Ismajli magjeps Conten, Napoli 'sparkatë' Juventusit për mbrojtësin e Kombëtares
21 Nëntor, 08:56 -
Zyrtare/ Vieira trajneri i ri i Genoas, tifozët i dalin kundër! Në ekip ka ‘uraganin’ Balotelli
20 Nëntor, 22:58 -
Asllani i dërgon 'sms' Inzaghit: Gati të zëvendësoj Calhanoglu, jam 22 vjeç dhe ndihem i rritur
20 Nëntor, 21:31 -
Itali/ Kreu i ultrasve të Milanit, i lidhur në organizatën shqiptare të kokainës! U arrestua bashkë me 19 të tjerë, e trafikonin nga Amerika e Jugut dhe Maroku
19 Nëntor, 21:43 -
Pjesë e Lazios në Serie A, Dia infektohet me malarie gjatë stërvitjes me Senegalin
15 Nëntor, 15:28
