Derbi i Italisë Juventus-Inter pritet që të dhurojë mjaft emocione sonte në orën 20:45 në ‘Juventus Stadium’. Sfidat midis këtyre dy ekipeve kanë dhuruar gjithmonë emocione dhe spektal.

Kampionët e italisë janë në vendin e parë në renditje me bindje të plotë, pavarësisht gabimeve të arbitrave. Torinezët kanë treguar se mund të fitojnë edhe këtë edicion titullin kampion.

Ndërsa Interi që e nisi edicionin me disa probleme duket se është futur në udhë të mbarë duke korrur disa rezultate pozitive javët e fundit.

Përballja midis dy ekipeve do të tregojë edhe më të mirin e momentit. Trajneri i Interit Stramacioni deklaron se nuk është i kënaqur me një pikë nga derbi, duke synuar fitoren.

E njëjta gjë është edhe në kampin bardhezi. Tashmë vetëm fusha do të vendosë më të mirin.

(d.b/shqiptarja.com)