Tiranë- Derbet e kryeqytetit në futboll cilësohen gati si rëndësia e ndeshjeve të Kombëtares kuqezi në nivelin e masave të sigurisë, për shkak të aktivitetit të ultrasve të të dy skuadrave, që shpesh kanë kaluar edhe në përleshje fizike.
Policia e Tiranës njoftoi sot se ka hartuar plan masash për garantimin e rendit dhe sigurisë para, gjatë dhe pas zhvillimit të ndeshjes së futbollit midis ekipeve Partizani dhe KF Tirana, që do të zhvillohet ditën e sotme, 21 Shtator, në orën 20:00, në stadiumin "Air Albania".
Masat e marra nga Policia e Tiranës konsistojnë jo vetëm në ambientet e stadiumit, por dhe në një perimetër më të gjerë jashtë tij. Në këtë kuadër do të ketë bllokime të disa segmenteve rrugore dhe itinerare të përcaktuara për lëvizjen e tifozëve të dy skuadrave.
“Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve, jashtë itinerarit të caktuar. Po në zbatim të planit të masave, do të ushtrohen kontrolle ndaj tifozëve, para hyrjes në stadium, për sende të kundërligjshme (sende të forta, bidonë uji, çadra, çelësa metalik apo lëndë piroteknike etj). Çdo tifoz duhet të jetë i pajisur me dokument identifikimi”, tha policia.
Nuk do të lejohen të futen në stadium shtetas pa dokument identifikimi, si dhe fëmijët nën moshën 16 vjeç, pa praninë e prindit apo kujdestarit (shoqëruar me dokument).
Kurse personat të cilët e kanë të ndaluar hyrjen në objektet dhe mjediset sportive, “detyrohen të paraqiten fizikisht në komisariatet policore përkatëse, në ditën dhe orën e zhvillimit të veprimtarisë sportive”, kurse “moszbatimi i detyrimeve që rrjedhin nga ky ligj, përbën shkelje të tij”.
Segmentet rrugore që do të jenë të bllokuara, nga ora 17:00 deri në përfundim të aktivitetit, janë:
-Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania”, bulevardi “Dëshmorët e Kombit”, nga Presidenca deri te sheshi “Nënë Tereza”.
Rrugëkalimet e tifozëve do të jenë si më poshtë:
-Lëvizja e tifozëve të Partizanit do të bëhet nga kryqëzimi i rrugës “Muhamet Gjollesha” me rrugën “Artan Lenja”, përgjatë rrugës “Muhamet Gjollesha”, rruga “Sulejman Delvina”, “Libri Universitar”, rruga “Gjergj Filipi”(COIN) – stadium;
-Lëvizja e tifozëve të KF Tiranës do të bëhet nga sheshi “Skënderbej”, bulevardi “Dëshmorët e Kombit, rruga “Bajram Curri”, Rruga e Elbasanit rruga “Dervish Shima”, rruga “Sheh Ahmet Paza”- stadium.
Lajme të tjera
-
Tiranë/ Goditi me grusht punonjësin e Policisë, arrestohet 23 vjeçari
19 Dhjetor, 14:41 -
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06 -
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39 -
Tiranë/ Grabitje, mashtrim, aksident me vdekje dhe dhunë në familje, 10 të arrestuar në 24 orë
12 Dhjetor, 16:30 -
Tiranë/ Vodhi me dhunë një automjet në hyrjen e një mobilerie, vihet në pranga 32-vjeçari! Policia gjen mjetin e braktisur
12 Dhjetor, 10:12 -
Policia i kap mat duke vendosur baste sportive, 8 persona në pranga në Tiranë! 4 në hetim
11 Dhjetor, 15:44 -
Mbi 12 mijë gjoba gjatë një jave, Rrugorja e Tiranës bën bilancin: 9 mijë për qëndrim të gabuar! 25 arrestime, ndalime dhe procedime
9 Dhjetor, 11:18 -
Tiranë/ Dhunonte bashkëshorten dhe e kanoste se do e vriste, në pranga 65-vjeçari! I sekuestrohet municion luftarak në banesë
7 Dhjetor, 16:59 -
Durrës/ Babai e shpalli të humbur dje, gjendet i pajetë në kanal 33-vjeçari! Policia: Dyshohet se u rrëzua aksidentalisht nga ura
6 Dhjetor, 14:48 -
Tiranë/ Lojëra fati ilegale online, ‘Bad spin’ godet grupin, 9 të arrestuar dhe një i shpallur në kërkim (VIDEO)
6 Dhjetor, 14:09 -
Kreshnik Spahiu: Për çfarë këngësh arrestoheshin dikur tifozët në stadiume dhe a duhet lejuar sot Adem Jashari?
2 Dhjetor, 19:28
-
Derbi Tirana - Partizani, 'Blutë' shoqërojnë tifozët në stadium! Bllokim rrugësh, policia tregon planin e masave
30 Nëntor, 18:12
