POP 5

Lajmet më të lexuara të 5 minutave të fundit

Kronikë

Deri në 9 orë pa drita, energjia elektrike kthehet në makth për pushuesit në Lezhë, reagon OSHEE: Ja aryeja

Në zonën turistike të Tales në Lezhë çdo ditë ka ndërprerje të energjisë elektrike nga ora 8:00 e mëngjesit deri në orën 17:00 të pasdites. Kjo situatë ka sjellë shumë penalizime për bizneset e zonës. Ndërprerja e energjisë ka ardhur për shkak të punimeve që po kryhen në linjat e tensionit të lartë.

Në pikun e sezonit turistik, zona turistike e Tales në Lezhë po përballet me ndërprerje të vazhdueshme të energjisë elektrike. Mungese energjia ka pothuajse çdo ditë nga ora 08:00 e mëngjesit deri në 17:00  të pasdites. Shqetësimi është ngritur nga Administratori i Shënkollit, Albert Rrusti, gjatë takimit të organizuar nga prefekti me aktoret lokal për mbarëvajtjen e sezonit turistik. 

"Në kulmin e plazhit ndalohen dritat nga ora 8 në 5 dhe të gjithë ato biznese të vogla që nuk kanë mundësi me ble gjenerator u janë prishur ushqimet. Nuk e dimë se deri kur do të vazhdoje kjo situatë." deklaron administratori i Shënkollit Albert Rrusti.

Prefekti i Lezhës, Gjok Jaku i ka kërkuar që të marra masa të menjëhershme për ti dhënë zgjidhje këtij problemi mjaft serioz për këtë zonë turistike e cila po penalizon mjaft biznese.

"Nëse nuk zgjidhet ky ngërç unë Brenda ditës do të lajmëroj Kryeministrin për këtë situatë. Ju s’po i dilni zot detyrimit që keni për të furnizuar konsumatorin me energji elektrike." tha perfekti i Lezhës Gjokë Jaku.

Sipas Njësisë së OSHEE në Lezhë ndërprerjet e Energjisë elektrike në zonën turistike të Talës kanë ardhur për shkak të punimeve që po kryhet në linjat e tensionit të lartë i cili nuk dihet se kur do të përfundoje.

 “Operatori i Sistemit të Transmetimit (OST sh.a) është duke investuar për rikonstruksionin e linjës 110kV Skuraj – Laç 1, dhe për pasojë është stakuar energjia me datë 8 korrik, pasi janë marrë të gjitha masat teknike-organizative për uljen e numrit të përdoruesve të rrjetit të shpërndarjes së OSHEE që atakohen nga ndërprerja e furnizimit me energji” sqaron OSHEE.

Mësohet se OST i ka ndërprerë punimet deri në vlerësimin e situatës në terren, për ti zhvilluar në një kohë tjetër.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50