POP 5

Lajmet më të lexuara të 5 minutave të fundit

Kronikë

Dëshmia Ekskluzive/ Flet kunati i 'informatorit' Alket Muho: E vranë pasi telefonoi në SHÇBA

Shqiptarja.com dhe Report Tv publikon dëshminë ekskluzive të kunatit të Alket Muhos, i cili u vra një ditë më parë në tokën e tij në fshatin Rabije. Ai thotë se ngjarja ka ndodhur 10 ditë pasi kunati u ankua pranë SHCBA-së

Tiranë- Një ditë pas vrasjes së 43-vjeçarit, Alket Muho në fshatin Rabije të Memaliajt, Shqiptarja.com dhe Report Tv sigurojnë një dëshmi audio ekskluzive. Kunati i viktimës tregon versionin që di për ngjarjen.

Ai i jep përgjigje të gjitha pikëpyetjeve të ngritura në media nëse ishte apo jo Muho një informator i policisë. Sipas tij, Muho prej një viti telefononte policinë për të treguar se në zonë mbillej kanabis, por vetëm kur iu drejtua Shërbimit për Çështjet e Brendshme dhe Ankesat, në zonë erdhën policë për kontroll.

I riu që jeton në Greqi thotë se në fshatin Rabije por edhe fshatra të tjerë mbillet masivisht kanabis që prej vitit 2016-të. Sipas tij, prej një viti Muho dhe familja e tij jetonin me zhurmën e kallashnikovëve, të përdorur gjatë natës për të ruajtur parcelat e kanabisit.

“Puna e drogës ka nisur që në 2016...mbillej droga në çdo hapësirë. Unë kam jetuar edhe vetë atje. Sa herë errësohej hidheshin çdo natë mbi 1200 fishekë që të trembeshin banorët...të mos iu afroheshin parcelave. Kunati im prej një viti ka shkuar në polici dhe mund të ketë shkuar në polici dhe të ketë denoncuar fenomenin. Ndjehemi të rrezikuar ka thënë. Ai kishte një fëmijë 3 vjeç”

Kunati i Alket Muhos

Sipas kunatit, policët kanë ardhur afër fshatit të tyre një ditë para se Muho të vritej. Ai shton se pasi kanë asgjësuar disa parcela me drogë në fshatin Gllavë, policët kanë darkuar me njerëzit që kultivonin kanabis.

“Prej një viti telefononte dhe ankohej në Tepelenë dhe në Gjirokastër dhe askush nuk e vuri ujin në zjarr...Shumë herë ka bërë telefonata dhe denoncime, thoshte hajdeni se po na tremben fëmijët. Askush nuk erdhi. Nga kjo u detyrua të kontaktonte me strukturat e SHCBA-së, gjeti një numër dhe i mori në telefon. Ata kanë dhënë urdhër që të vinte policia e Gjirokastrës në fshat. Ata pastaj kanë prerë edhe dy parcela në Gllavë. Pas kësaj kanë ngrënë darkë me mish të pjekur, janë shtruar me ata...”

Kunati i Alket Muhos

Duke e përjashtuar pistën që ngjarja mund të ketë ndodhur për shkak të një problemi pronësie, kunati tregon edhe konfliktin që ka pasur me fqinjët e tij.

“Ka pasur konflikt me një familje që jeton afër tyre. Sa herë shkoja në fshatin e tyre e dëgjoja që bënte debat për rrugën e kalimit dhe për punën e një çezme. Një herë janë zënë keq, ka ndërhyrë edhe kryeplaku, por nuk mendoj se vrasja ka ndodhur për këtë shkak”

Kunati i Alket Muhos

Në bisedën audio ai pranon që edhe kunati i tij ka kultivuar kanabis kohë më parë dhe se në zonë një shef policie që e njihnin të gjithë me pseudonimin Kiço merrte pjesën e tij.  

Te toka e vet nuk ka mbjellë. Por që ka mbjellë, ka mbjellë, në 2016, ka marrë edhe shteti pjesën e tij. Ka qenë vetë shefi i komisariatit të Tepelenës, Hakiu, më pas u dënua në 2017-ën, Kiço i thërrisnin. Hakiu ka marrë 35 kg në 28 tetor 2016, jo vetëm nga kunati im, por nga të gjithë. Pasi në të kundërt, do ta priste dhe do t'i arrestonte.  

Kunati i Alket Muhos

Intervista e plotë 

Dyshimet e tua janë më shumë vrasje për denoncimin e bërë në polici?
Për shkak të denoncimeve të bëra në Tiranë për drogën, në mbrojtje të familjes së tij. Aty qëllonin me armë zjarri kallashnikov.

Sa herë ka shkuar në polici?
Për tre muaj që kam qëndruar mund t'i ketë marrë mbi 20 herë në telefon të Tepelenës dhe Gjirokastrës dhe asnjëherë nuk është paraqitur në vendngjarje për ata njerëz që zbraznin armët. I thonin do vijmë, nuk do zbrazin më armët, i thoshin këta të Tepelënës. 

Sa zgjati kjo situatë? Kur i mori në telefon të Tiranës?
Kjo situatë zgjati rreth një viti. Pas një viti i mori në telefon të Tiranës, nuk e di nga e gjeti numrin. 

Kë mori në Tiranë? SHÇBA-në?
Po, ata mori. Dhe pas reagimit të telefonatës, policia e Gjirokastrës është vënë në lëvizje. 

Kur është bërë telefonata në Tiranë?
Teleonata në Tiranë është bërë para 10 ditësh ose dy javësh, diçka e tillë. Ata reaguan direkt dhe kanë shkuar e kanë prerë dy parcela me kanabis me Gëllavë. Nga 20 parcela që kanë qenë, policët kanë prerë vetëm dy. Dhe po Shkuan sa për sy e faqe, policët hëngrën zogj të pjekur dhe mish qengji dhe ikën prap. Sa për të dhënë që, ja i premë ne...

Ka pasur shqetësime nga ndonjë person tjetër?
Nuk ka shqetësim më të madh se të të vijë tjetri 50 m larg nga shtëpia dhe të qëllojë me kallshnikov, ku ka gruan, fëmijët. Për çështjen e pronave ka qenë një situatë me një komshi në vitin 2016, mmos kalo te kjo rrugë, mos merr ujë te kjo çezëm. Bënin debate përditë për këtë gjë. Kanë qenë gjerat shumë serioze, një prej djemve i kam marrë unë sëpatën nga dora. Policia ka ardhur në fillim të prillit dhe ka thënë që kjo është çezma e fshatit dhe do marrin ujë të gjithë.

Vjehrri thotë se ka pasur probleme me drogën para dy vitesh?
Në 2016-ën vinte shteti, shikonte drogën, merrte lekët dhe thoshte vazhdo punën. Nuk është se kishte probleme, por mos e mbill në tokën time, unë do mbjell vetë te toka ime, ti bëj çtë duash te toka jote. 

Kishte mbjellë te toka e vet viktima?
Te toka e vet nuk ka mbjellë. Por që ka mbjellë, ka mbjellë, në 2016, ka marrë edhe shteti pjesën e tij. Ka qenë vetë shefi i komisariatit të Tepelenës, Hakiu, më pas u dënua në 2017-ën, Kiço i thërrisnin. Hakiu ka marrë 35 kg në 28 tetor 2016, jo vetëm nga kunati im, por nga të githë. Pasi në të kundërt, do ta priste dhe do t'i arrestonte.  

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Atje: 08/09/2018 11:52

    E KA THENE ADRIANO CELENTANO QE.. SITUATA POLITIKE NUK ESHTE E MIRRE... E MORR TAHIR CA I BONE VENIT U NJIFTE VETEM LAZARATI TANI PO NJOFET KOLUMBIA SHQIPTARE....

    Përgjigju
  • POLITICA: 07/09/2018 21:30

    KESHTU NDODH gjithandej , gjithandej DHE VRASES Jane TAHIRAMETA RUCI BASHKIAKET POLICET .

    Përgjigju
  • Ana: 07/09/2018 19:52

    Ishalla nuk e identifikojne dhe kete, se ka thene qe do te rri anonim!!! ( kunati i viktimes), me anonim se kaq nuk ka ku te shkoje). Sidoqofte pak rendesi ka kjo. Rendesi ka problemi qe ai ngre dhe shkerdhatokracia qe eshte ne Shqiperi...

    Përgjigju
  • Fredi: 07/09/2018 19:46

    Eshte i pafajshem Saje Qorri thone ithtaret e semure. Kancerin qe futi ne rradhet e policise se shtetit veshtire se ka kirurg qe ta largoje. Nuk mjafton kaq gjykates per ta cuar ne burg, duhet ta kape duke mbjelle vete, turp dhe krim i madh. Xhafa dhe Veliu duhet te largohen, nuk e bejne dote kete pune. Eshte droge vjeyer thone kur kapet nga italianet, po tani cfare do thone? Jane mushkonja qe vrasin dhe mbjellin kanabis?

    Përgjigju
  • Ilo: 07/09/2018 18:26

    Shume keq muhabeti duhet te telefonosh ne SHCBA te zgjidhet prbl qe mund ta zgjidhe policia lokale eshte turp per sharlatanin Fatmir Xhafa.

    Përgjigju
  • Pellazg: 07/09/2018 17:52

    E paska vrare policija

    Përgjigju
  • lot: 07/09/2018 17:50

    po ku esht fshehur xhafa mor aman

    Përgjigju
    • Ilo: 07/09/2018 18:27

      E ka futur Rama ne xhep te vogel

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33