POP 5

Lajmet më të lexuara të 5 minutave të fundit

Kronikë

Dëshmitari: Pashë Frrokun në 
makinën nga u qëllua Dritan Lamaj

Dëshmitari i mbrojtur në procesin ndaj Arben Frrokut i pandehur për vrasjen e kryepolicit Dritan Lamaj ka vendosur të flasë. Burime nga Gjykata e Krimeve të Rënda thanë për A1 REPORT se në dëshminë e tij Arben Ndoka (me emrin e vënë nga drejtësia) pohoi sërish se mbrëmjen e 23 Shkurtit të vitit 2013 pak çaste pas atentatit ndaj Lamajt ai ka mundur të fiksojë Arben Frrokun në automjetin BMW nga ku u qëllua kryepolici. VIDEO
Shtyhet sërish seanca ndaj Arben Frrokut, mungonte avokati mbrojtës
Vrasja e Lamaj, Frroku për herë të parë përballë dëshmitarit kyç
Letër e hapur, Frroku: Gjyqi ndaj meje është prapavijë politike
Zbulimi i dëshmitarit, SHKB po heton ish-punonjës policie
TIRANE - Gjykata e Krimeve të Rënda ka mundur më në fund të administrojë fjalën e dëshmitarit të mbrojtur, në seancën e 27 për vrasjen e komisarit të kombinatit Dritan Lamaj, ku i pandehur është biznesmeni Arben Frroku.

Seanca u zhvillua me dyer të mbyllura ndërsa burime për A1Report thanë se dëshmitari Arben Ndoka  rikonfirmoi dhe njëherë atë çka ka deponuar më parë në prokurori, se pak çaste pas vrasjes së Dritan Lamajt në automjetin BMË me targa Durrësi nga ku u qëllua kryepolici, ai ka mundur të fiksojë dy persona me kapuç dhe Arben Frrokun të pamaskuar.

E pikërisht në këtë pikë të dëshmisë sipas të njëjtave burime, ka pasur dhe replika midis Arben Frrokut dhe dëshmitarit të mbrojtur.

Dëshmia e Ndokës është bërë e mundur me anë të një videokonference ku sëbashku me të ka qenë dhe bashkëshortja, gjithashtu e marrë në mbrojtje. Frroku dhe Ndoka ishin në salla të veçanta të Gjykatës së Krimeve të Rënda.

Procesi ndaj Arben Frrokut vazhdon të mbahet me dyer të mbyllura, ku pritet që pas administrimit të dëshmisë pala mbrojtëse të bëjë kundërshtimin e saj, pasi sipas tyre mënyra e marrje së kësaj dëshmie është në kundërshtim me ligjin.

Arben Frroku është marrë i pandehur nga Prokuroria e Krimeve të Rënda me akuzën e vrasjes në rrethana cilësuese kryer në bashkëpunim ndaj kryepolicit të kombinatit Dritan Lamaj shkurtin e vitit të shkuar si dhe mbajtjes së armëve luftarake.

Vetë Frroku se ka pranuar asnjëherë këtë akuzë, teksa procesin ndaj tij e ka quajtur një manipulim të qëllimshëm të organit të akuzës.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Koleksioni i 300 objekteve shqiptare në Muzeun Etnografik të Budapestit, në qershor në Shkodër

Koleksioni i 300 objekteve shqiptare në Muzeun Etnografik të Budapestit, në qershor në Shkodër

22 Janar, 21:22