Dështimi i operacionit të policisë në Tiranë, kreu i Sindikatës, Fishta: Dhunimi i gazetarit nuk tolerohet, sjellja e efektivëve jashtë kuadrit ligjor

Një aksion anti-drogë i Policisë së Shtetit, i cili u zhvillua pak ditë më parë në kryeqytet, dhe u filmua, nxori në pah dështimin e policisë, ndërkohë që të revoltuar se nuk prangosën dot trafikantin, efektivët shtrinë në tokë gazetarin.

Efektivët e policisë kaluan çdo kompetencë ligjore të detyrës së tyre me dhunimin e gazetarit! Kështu thotë kreu i Sindikatës së Policisë, Sadedin Fishta, i cili në një intervistë për Report Tv theksoi se veprimet e policisë kërcënuan integritetin e gazetarit dhe të qytetarit.

'Nuk duhet të tolerohet rasti kur punonjësit e policisë kapërcejnë kompetencat e detyrës duke ushtruar forcë, të cilat i kërcënojnë integritetin e qytetarit apo gazetarit. Ishte një sjellje jashtë kornizës ligjore, edhe në kuptimin e performancës së policisë edhe në kuptimin e paraqitjes së shërbimit të policisë në raport me qytetarët dhe gazetarët që shohin nga afër këto situata.'- tha Fishta.

LEXO EDHE:
Nxënësit e shkollës 'Andrea Stefani' i bashkohen fushatës së mbjelljes, Veliaj: Shumë shpejt nis puna për Terminalin e ri Verior

Fishta tha se performanca e policisë la shumë për të dëshiruar edhe në aspektin e profesionalizimit, të policisë në një situatë të tillë. Fishta tha se në këto raste duhet të merren masa që të garantohet jeta e qytetarëve.

'Kjo situatë ka të bëjë dhe me informacione që ka policia në lidhje me ngjarjen konkrete. Në rastin konkret lënë shumë për të dëshiruar profesionalizmi i policisë në situatë të tillë. Të merren masa që të shmangen qytetarët nga ndërhyrjet që do të bëjnë punonjësit e policisë. Nuk kishte punonjës tjetër që duhet të orientonte qytetarin apo gazetarin në zonën e kryerje së operacionit, pasi mund të kishte edhe shkëmbim me armë. Janë gjëra që në fund të fundit i takojnë strukturave të policisë të bëjnë analiza për shërbimet dhe tu kërkohet edhe falje qytetarëve.'- tha Fishta.

M.Q./Shqiptarja.com

TAG:
• Tirane
• policia e shtetit
• sadedin fishta