Dështon sërish Komisioni Hetimor për Shëndetësinë, Vokshi: PS po bojkoton që të zvarrisë hetimin

Dështon sërish Komisioni Hetimor për Shëndetësinë, Vokshi: PS po bojkoton që të zvarrisë hetimin

Albana Vokshi

Për të gjashtën herë Komisioni Hetimor për koncesionet në Shëndetësi dështoi. PS nuk iu përgjigj thirrjes së Albana Vokshit për mbledhje, ndërsa kjo e fundit hodhi akuza se po bllokohet puna hetimore e parlamentit.

Mbledhja e thirrur nga Vokshi kishte në rend të ditës miratimin e kërkesave për informacion, drejtuar institucioneve, që PS nga ana e saj i ka miratuar në një mbledhje me vetëm anëtarët e maxhorancës bashkë me planin e hetimit.

Në një deklaratë për mediat, Vokshi tha se maxhoranca ka bërë mbledhje ilegale, duke shtuar se kryeparlamentarja Lindita Nikolla nuk ka kthyer përgjigje prej 2 javësh për kërkesat e opozitës.

“Mazhoranca bën mbledhje ilegale, kërkojmë përgjigje nga kryeparlamentarja Lindita Nikolla. Kërkuam pavlefshmërinë e mbledhjes të Plarent Ndrecës. Kërkuam anulimin e vendimeve të marra nga mazhoranca. Mazhoranca është e papërgjegjshme ndaj mbledhjeve të Komisioneve Hetimore parlamentare. Deputetët Milva Ekonomi dhe Plarent Ndreca janë në konflikt interesi për këtë komision. Po bojkotohen mbledhjet që të pengohet puna e Komisionit Hetimor”, tha Vokshi.

Që prej ngritjes së Komisionit Hetimor të Shëndetësisë për koncesionet e Check-up dhe Sterilizimit, opozita dhe maxhoranca nuk ia kanë dalë të gjejnë dakordësinë duke e futur në ngërç Komisionin e ngritur një këmbim të paqes parlamentare.

Ndërkohë komisioni tjetër, ai për TIMS, vijon punën normalisht me mbledhjen e radhës të martën në 11:00.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Shpresë për Kombëtaren, konfirmon de la Fuente: Me Shqipërinë do bëjnë rotacion

Shpresë për Kombëtaren, konfirmon de la Fuente: Me Shqipërinë do bëjnë rotacion