KUKES- Në fshatin Kolosh të njësisë vendore Zapod, 10 fëmijë të moshës 6 deri në 14 vjeç nuk kanë shkuar ende në mësim që nga nisja e vitit shkollor, më 8 shtator. Arsyeja është mungesa e transportit.

“S’kam shkuar asnjë ditë në shkollë se e kam larg”, tha një fëmijë.

Shkolla që ata duhet të ndjekin ndodhet në fshatin Orgjost, mbi një orë larg në këmbë nga shtëpitë e tyre. Prindërit thonë se nuk guxojnë t’i lënë fëmijët vetëm në rrugët malore dhe nuk kanë asnjë mundësi tjeter për transport privat.

“Rruga është e keqe, shkon një orë në këmbë vajtje dhe një orë në kthim. Eshtë pyll, nuk i leme dot vetem fëmijët. Vjet kishim furgonin, por kete vit s’ka ardhur. Ne s’kemi makina t’i çojmë vete”, thanë prindërit.

Pas dështimit të tenderit, Zyra Vendore Arsimore Kukës u ka propozuar prindërve te dergojne vete femijet ne shkolle perkundrejt kompensimit prej 1,200 lekësh në muaj për çdo fëmijë.

“Nuk ka furgon që të vijë këtu se pagesa për biletën është e ulët”, tha një tjeter prind.

Sipas dokumenteve të tenderit, të siguruara nga Report TV, autoriteti kontraktues është Drejtoria Rajonale e Arsimit Parauniversitar Lezhë, që shpalli procedurën për “Transport mësues-nxënës” të ndarë në disa lote, ku përfshihet edhe Kukësi. Fondi limit për këtë shërbim ishte 21.8 milionë lekë pa TVSH dhe afati i fundit për dorëzimin e ofertave ishte 7 maj 2025.

Tenderi dështoi pasi nuk u paraqit asnjë ofertë nga operatorët privatë. Kompania që mbulonte transportin vitin e kaluar deklaron se vlera është shumë e ulët për rrugët malore. Në dokument shihet se, rrugët e Kukësit janë klasifikuar si “me asfalt”, gjë që ka ulur artificialisht çmimin. Në realitet, rrugët janë të paasfaltuara, dhe me terren të vështirë, çka e bën të pamundur mbulimin e kostove si karburanti dhe mirëmbajtja e furgonave. Sakaq, burimet thane se deri në fund të shtatorit pritet të shpallet sërish procedura e tenderit, deri atëherë këta fëmijë do të qendrojnë pa shkollë. I njejti problem eshte në të gjithë fshatrat e thellë të Kukesit.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lala: 23/09/2025 17:58

    O ulsiu ene dori. Ne ne mes te tiranes u pagujm vet transport femijeve tane .pse bejn perjashtim ne kukes qe thoni turp e a ka bashki? Ne kembe nje ore per femijet esht nga astiri ne qender.se un ate rruge qe thon prinderit e Kam pas bo per 20 min ne kembe.spaska makina ne zapod ? Mos na boni me qesh po thuaji u mesun me jau cu e me ja sjell nga shkolla kalamajt e duan prap te njejten gje.esht turp per ata prinder qe I len femijet ashtu.

    Përgjigju
  • ulsiu: 23/09/2025 14:14

    SA TURP..VFARE SHTETI.....

    Përgjigju
  • dori: 23/09/2025 13:48

    A ka bashki në Kukës...

    Përgjigju
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera