Detaje tronditëse janë mësuar nga ngjarja e rëndë e ndodhur në Selanik të Greqisë ku një studente greke 21 vjeçare ka ndërruar jetë pasi u përplas për vdekje nga një 26 vjeçar shqiptar i cili u arratis nga vendngjarja ndërsa më pas u arrestua dhe u la në burg nga gjykata greke.
Sipas mediave greke, pak minuta pas aksidentit të ndodhur që la përtokë të renë greke, Emanuela, disa persona i kanë vjedhur një shumë të madhe parash nga çanta. Bëhet fjalë për 1500 euro të cilat persona ende të paidentifikuar, ia kanë marrë nga çanta të resë. Sipas raportimeve shuma e parave i është dhënë studentes greke nga familjarët e saj para se ajo të nisej për në Selanik ku do të pësonte aksidentin tragjik.
“Kur vajza është rrëzuar përtokë dhe është goditur, dikush i ka marrë portofolin me një sasi të madhe parash nga çanta. E kemi fjalën për 1500 euro Rasti do t'i kalohet prokurorit kompetent për ndjekje penale dhe urdhërim të hetimeve paraprake sepse kjo shumë ka ekzistuar dhe pas ngjarjes është zhdukur” , ka thënë avokati i familjes.Nikos Rusopulos .
Pas vendimit të prindërve për të dhuruar organet e vajzës, sot në mediat greke raportohet se zemra e 21-vjeçares do t’i jepet një nëne 40-vjeçare, ndërsa mëlçia do t’i jepet një një tjetër personi. Emmanuela, e kishte të pamundur të mbijetonte pas plagëve të marra, të shkatuar nga 26-vjeçari shqiptar, i cili e tërhoqi zvarrë me makinë.
Si ndodhi ngjarja e rëndë?
21-vjeçarja greke, studente, mbeti e plagosur rëndë në orët e para të së martës, kur u tërhoq zvarrë përgjatë rrugës Egnatia, në lartësinë e Kamarës, nga makina që drejtonte 26-vjeçari shqiptar, i cili u largua nga vendngjarja dhe e la të renë në gjendje të rëndë në asfalt.
Që në momentin e parë mjekët bënë përpjekje për ta mbajtur në jetë, por gjendja e saj shëndetësore ishte jashtëzakonisht kritike dhe u shtrua në Repartin e Mjekimit Intensiv, por fatkeqësisht nuk ia doli dot.
Mjaftuan pak orë që i riu të vetëdorëzohej në polici me shenjë pendese ku edhe kërkoi të komunikonte me prindërit e saj. Duke u justifikuar, i riu u shpreh se u largua nga vendi i ngjarjes sepse jetonte në Greqi pa letra. Ndaj tij ka nisur një procedim penale, po ashtu dhe ndaj pasagjeres 19-vjeçare.
Në dëshminë e tij ai tha se ishte i shkatërruar nga kjo ngjarje dhe nëse viktima nuk do kishte tentuar të kalonte rrugën ‘Egnatia’ (aty ku gjeti vdekjen), asgjë nuk do të kishte ndodhur, mjaftonte që e reja të kalonte në vizat e bardha.
26-vjeçari, sipas ndjekjes penale të prokurorit, akuzohet për drejtim mjeti të rrezikshëm me pasojë lëndim të rëndë trupor (vepër penale), si dhe drejtim mjeti pa leje (kundërvajtje).
19 -vjeçarja (shtëpiake) nga ana e saj përballet me veprën penale të ndihmës në drejtim të automjetit të rrezikshëm me pasojë lëndim të rëndë trupor dhe ndihmë në një aksident trafiku (kundërvajtje).
‘Dhurata jete’ ,mund të konsiderohen ato ç'ka do të marrin 2 persona në Greqi pas madhështisë së shpirtit të familjes së 21-vjeçares Emmanuela, e cila e kishte të pamundur të mbijetonte pas plagëve të marra,të shkatuar nga 26-vjeçari shqiptar, i cili e tërhoqi zvarrë me makinë.
Sipas asaj që shkruajnë mediat greke, një 40-vjeçare, e cila është nënë e një fëmije dhe jetonte me aparatin mbështetës të zemrës, merr zemrën e 21 -vjeçares për transplantim në “ Onasio ”, ndërsa. Mëlçia e vajzës do të merret nga një burrë, i cili sipas të njëjtave informacione ishte prej disa kohësh në listën përkatëse në spitalin “ Ippokrateo në Selanik.
Këto dy transplante nisën pasi pritja e organeve të fatkeqes Emmanuela përfundoi rreth orës 6 të mëngjesit.
Vihet re se korneat e 21-vjeçares janë hequr nga okulistë të spitalit Papageorgiou dhe do të transferohen në Bankën e Syve AHEPA, ku do të ekzaminohet se cilët pacientë do të transplantohen pasi ka një diferencë deri në 15. ditë për transplantin e tyre.
Për veshkat, kryhen teste speciale për të gjetur marrës të pajtueshëm. Siç raporton ERT, në “Ippokrateio” të Selanikut po kryhen analizat për veshkat , me informacione se aty është gjetur një dhurues i përputhshëm, por rezultatet përfundimtare priten sot herët, të martën, pasdite.
Përkundrazi, mushkëritë e studentit, sipas Agjencisë së Lajmeve të Athinës, u konsideruan të papërshtatshme për transplantim.
Lajme të tjera
-
Greqi/ Panik në Selanik, 'Sillni ministrin ose do hedh Gjykatën në erë', arrestohet autori (VIDEO)
18 Dhjetor, 13:58 -
U përfshi në aksident, mjeku nuk u mbijeton dot plagëve! Humb jetën te Trauma
18 Dhjetor, 09:35 -
Greqi/ Kapen 82 kg kokainë në Portin e Pireut, arrestohen dy punonjës të portit
17 Dhjetor, 22:31 -
Policia greke godet bandën me kryetar shqiptarin e njohur si 'Mondi', sekuestrohen drogë, armë e para kesh! 25 të arrestuar dhe 14 në kërkim
17 Dhjetor, 18:46 -
Merret peng dhe dhunohet greku në Kostur, policia shpall në kërkim shqiptarin
17 Dhjetor, 16:40 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Në kërkim për ‘falsifikim dokumentesh’ dhe ‘largim nga vendi i aksidentit', 2 të arrestuar në Fier
17 Dhjetor, 13:23 -
Atentati në Athinë, identifikohet edhe shoku i viktimave, dyshohet të jetë plagosur
16 Dhjetor, 21:52 -
Atentati ndaj dy shqiptarëve në Athinë, media greke: Objektiv dyshohet se ishte ai që u plagos, jo Davella
16 Dhjetor, 19:57 -
DEA i zbuloi nga aplikacioni 'Signal', kapen 46 kg kokainë në Greqi! 4 në pranga, mes tyre edhe një shqiptar (EMRI)
16 Dhjetor, 11:53 -
Ekzekutimi mafioz në Athinë, policia heton motivet që fshihen pas atentatit ndaj Irakli Davellas! Shoku i tij rëndë në spital
16 Dhjetor, 09:23 -
VIDEO/ Frikë në këndin e lojërave në Athinë, fëmijët mbesin në ajër pasi ikin dritat në park
15 Dhjetor, 13:11
