Detaje tronditëse nga anija e mbytur në Greqi, mbi 100 fëmijë ndodheshin në bord

Detaje tronditëse nga anija e mbytur në Greqi, mbi 100 fëmijë ndodheshin në bord

Pamje nga vendngjarja

Mbi 100 fëmijë ndodheshin në bordin e anijes me emigrantë që u mbyt mengjesin e ditës së djeshme në jug të Greqisë, duke shkaktuar vdekjen e të paktën 79 personave dhe zhdukjen e qindra të tjerëve.

Rrëfimet tronditëse nga një numër i madh grash dhe fëmijësh që udhëtonin me anijen kanë ardhur nga mjekët që trajtuan të mbijetuarit. Ata kanë treguar se në bordin e anijes famëkeqe, ndodheshin mbi 100 fëmijë.

Ndonëse nuk ka ende një shifër të saktë se sa nga fëmijët janë shpëtuar ose janë gjetur të vdekur, mediat greke kanë ngritur alarmin për shanset e vdekjeve masive të pasagjereve që ndesheshin në bord dhe të fëmijëve kryesisht.

Deri më tani të paktën 78 persona janë konfirmuar të vdekur dhe shumë të tjerë janë deklaruar të zhdukur.

Bilanci mund të përkeqësohet edhe më tej, pasi shumë refugjatë vijojnë të jenë të zhdukur. Raportohet se në bordin e anijes mund të kenë qenë deri në 750 emigrantë. Rojet bregdetare të Greqisë janë kritikuar për faktin se nuk kanë ndërhyrë më herët, por autoritetet Helene mbrohen duke pretenduar se përpjekjet e tyre për ndihmë janë refuzuar.

Ekipet e shpëtimit janë ende në det në një operacion masiv kërkimi për të mbijetuar. Megjithatë shpresat për ndonjë mrekulli sa vijnë e po shuhen. Anija me emigrantë ishte nisur nga Libia me destinacion Italinë, por është përmbysur rreth 80 kilometra nga brigjet greke në Pilos.

Familjet e disa prej të zhdukurve kanë mbërritur në Kalamatë në kërkim të më të dashurve të tyre.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

Himarë/ Vodhën sende me vlerë të dy turistëve gjerman, arrestohet 18-vjeçari, në hetim një i mitur

Himarë/ Vodhën sende me vlerë të dy turistëve gjerman, arrestohet 18-vjeçari, në hetim një i mitur