POP 5

Lajmet më të lexuara të 5 minutave të fundit

Kronikë

Detajet/ Atentati ndaj Nikollaq Çepajt, autori qëlloi të paktën 15 plumba! Shoqërohen 10 persona

Detaje të reja janë zbuluar në lidhje me plagosje Nikollaq Çepaj i cili sapo kishte dalë nga burgu për një plagosje të ndodhur në vitin 2018. Autorët kanë qëlluar mbi të, të paktën 15 plumba. Ndërkohë janë shoqëruar 10 persona të cilët mund të kenë lidhje me ngjarjen kriminale. Nga të shtënat u plagos rëndë vetë Nikollaq Çepaj së bashku me kunatin, që ishin duke pirë kafe. Pas atentatit autorët dogjën makinën me armën brenda.

Detaje të reja kanë dalë nga skena e krimit në Vlorë, ku gjatë mbrëmjes së djeshme  u qëllua me breshëri kallashnikovi ndaj Nikollaq Çepaj (Taullaraj) 36-vjeç, duke e lënë të plagosur rëndë  vetë atë dhe kunatin e tij Ronald Çepaj 27 vjeç. Burime për Report Tv bëjnë me dije se ndaj dy të plagosurve janë qëlluar të paktën 15 plumba kallashnikovi, kjo vërtetohet edhe nga gëzhojat e gjetura në skenën e ngjarjes nga ekspertiza.

Deri më tani për këtë ngjarje të rëndë janë shoqëruar në polici 10 persona, dëshmitarë dhe të tjerë që mund të kenë lidhje me plagosjen e Nikollaq Çepajt dhe Ronald Çepaj.

Pista e parë ku po hetohet është hakmarrja, pasi Nikollaq Çepaj (Taullaraj) kishte vetëm tre ditë që kishte dalë nga burgu për një plagosje në vitin 2018. Nikollaq Çepajt, ka ndryshuar edhe mbiemrin, pasi më parë e ka pasur Taullaraj, por më pas mori të gruas. Në qershor të 2018 ai u arrestua për plagosjen e Eraldo Lazajt brenda një lokali në lagjen 'Pavarësia'.

Ndërkohë për shkak të plagëve të shumta të marra në trup si pasojë e breshërisë së plumbave, Nikollaq Çepaj (Taullaraj) ndodhet në gjendje të rëndë në spitalin e Traumës në Tiranë. Atë e kanë kapur pesë plumba, njëri në kokë dhe 4 të tjerët në shpinë dhe legen, ndërkohë kunati i tij Ronald Çepaj ka marrë dy plumba në të dyja këmbët dhe gjendja e tij është jashtë rrezikut për jetën. 

Për sa i përket autorit të kësaj ngjarje kriminale, sipas dëshmitarëve ishte i pamaskuar, me mjekër dhe kapele i cili pasi qëlloi mbi dy të plagosurit u largua me shpejtësi me një makinë tip 'Benz', që u gjet dy orë më vonë e djegur në aksin e vjetër Vlorë-Fier me kallashnikovin e shkrumbuar brenda. 

Rendit zhvillimet sipas orarit:
Ora 09:22
Muri i bërë 'shoshë' nga plumbat, çfarë ka mbetur në vendin ku u plagos rëndë Nikollaq Çepaj dhe kunati i tij (FOTO)

Report Tv, ka siguruar pamjet, nga lokali ku mbeti i plagosur Nikollaq Çepaj dhe kunati i tij Ronald Çepaj. Në murin e jashtëm të lokalit duken qartë shenjat e 7 plumbave. Burime për Report Tv bënë me dije se në vendin e ngjarjes janë gjetur të paktën 15 gëzhoja plumbash, ndërkohë që 5 kanë kapur Nikollaqin ndërsa 2 të tjerë kunatin e tij Ronaldin.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ana: 20/01/2020 05:22

    Po vetem kezhtu mbahet Kanadaj. Madje tani e kane ber gjobe dhe burg. Erdhi momenti qe shteti te forcohet. Kamerat duhen ne cdo autobuz kryqezim biznes pallat. Njerzit duhet te jetojne te qete dhe sa me gjate. Nuk mundet te humbet jeta pa motiv dhe policia nuk zbardh dot asnjeher ngjarjen. Kontroll disipline=lumturi

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19