POP 5

Lajmet më të lexuara të 5 minutave të fundit

Kronikë

Detaji i dosjes/ Pretendimet e Elia Zaharias në Gjykatë: Mora lëndime nga shtyrja prej Lekës!

Detaji i dosjes/ Pretendimet e Elia Zaharias në Gjykatë: Mora lëndime nga shtyrja prej Lekës!

Elia Zaharia gjatë momentit të sherrit në Oborrin Mbretëror

Elia Zaharia gjatë momentit të sherrit në Oborrin Mbretëror

Aktorja Elia Zaharia ka dhënë rrëfimin e saj gjatë procesit hetimor të Prokurorisë së Tiranës dhe më pas në Gjykatë, për kallëzimin si e pandehur për dhunë në familje dhe kërcënim.

Në deklarimin e saj të parë, dhënë përpara OPGJJ-së, ditën e ngjarjes ajo është kthyer në banesë dhe ka parë biçikletën e të atit të rrëzuar në oborr.

“Pasi ka hyrë brenda ka dëgjuar debatin ndërmjet ish-bashkëshortit dhe babait të saj dhe ka parë Leka II Zogu që po shtynte me forcë babanë e saj. Në fjalën e saj të fundit para gjykatës, Elia Zaharia ka sqaruar se Leka Zogu II po shkelmonte derën që mbante nga ana tjetër Gjergj Zaharia, për të mos u hapur”, theksohet aty sipas dëshmisë së Zaharias.

Dëshmitari në vendngjarje Syl Mulosmani, i cili është nënpunësi i oborrit mbretëror, i punësuar nga Leka, ka deklaruar se kanë qenë pikërisht të pandehurit Zaharia që godisnin Zogun, ndërsa ky i fundit vetëm mbrohej. Por këtë rrëfim Gjykata nuk e ka pranuar pasi nuk mbështetej në fakte.

Ndërkohë që shpjegohet se nëpërmjet akteve të ekspertimit mjeko-ligjore-prova shkencore, ka rezultuar se në trupin e së dy të pandehurve Elia dhe Gjergj Zahana “janë konstatuar dëmtime fizike të dukshme”.

“Madje dëmtimet fizike të konstatuara tek Gjergj Zaharia, janë jo vetëm tepër evidente në dukje por të shkaktuara me një mjet të fortë mbrehës”, thotë vendimi i Gjykatës. Në dosje gjenden edhe fotografitë përshkruese të akt ekspertimit për dhunën.

Madje Gjykata citon gjithashtu se Elia Zaharia pasi ka kanë dalë nga rezidenca, “është shtyrë nga Zogu dhe si pasojë është goditur në kokë”. Por nuk janë konstatuar dëmtime të dukshme fizike në aktin e ekspertimit.

Elia është ankuar për dhimbje koke dhe brinjësh, teksa përshkruhet edhe këqyrja mjeko-ligjore për dëmtimet.

“Këto dëmtime provohet se Elia Zaharia i ka marrë nga shtyrja prej Lekës”, shprehet Gjykata.

Edhe i pandehuri Gjergj Zaharia ka deklaruar se kishte konstatuar shenja në këmbën e tij pas ngjarjes dhe ka kërkuar që t'i nënshtrohet një ekspertimi mjeko-ligjor.

Zahariat janë shprehur se ata nuk kanë depozituar kallëzim për ngjarjen dhe se kanë dëshmuar në  Komisariatin nr. 1 Tiranë kur janë thirrur pas incidentit dhe kallëzimit të bërë nga Leka Zogu II.  


Lajmi kryesor:

Dhuna në Oborrin Mbretëror, REPORT TV zbardh vendimin e Gjykatës: Sherri nisi për një dollap mes Gjergj Zaharisë e Princ Lekës! Ja pse u shfajësua Elia
A.Q/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi