POP 5

Lajmet më të lexuara të 5 minutave të fundit

Kronikë

Detyruan peshkatarët të kapnin koran e t’ua shisnin lokaleve, gjykata lë në burg 3 zyrtarët e Shoqatës së Peshkimit në Pogradec

Gjykata e Pogradecit ka lënë në burg 3 të arrestuarit e Shoqatës së Peshkimit të cilët detyronin peshkatarët të kryenin peshkim të paligjshëm të koranit. Në burg deri në përfundim të hetimeve janë lënë kryetari i Shoqatës së Peshkimit Pogradec, Adriatik Dokollari, 49 vjeç dhe dy punonjësit e shoqatës, Mariel Durollari, 47 vjeç, dhe Endri Pera, 43 vjeç.

Detyruan peshkatarët të kapnin koran e t’ua shisnin lokaleve, gjykata lë në burg 3 zyrtarët e Shoqatës së Peshkimit në Pogradec

Ish-kryetari i Shoqatës së Peshkimit Pogradec, Adriatik Dokollari

Gjykata e Pogradecit ka lënë në burg 3 të arrestuarit e Shoqatës së Menaxhim Peshkimit të cilët detyronin peshkatarët të kryenin peshkim të paligjshëm të koranit për përfitime personale.

Në burg deri në përfundim të hetimeve janë lënë kryetari i Shoqatës së Peshkimit Pogradec, Adriatik Dokollari, 49 vjeç dhe dy punonjësit e shoqatës, Mariel Durollari, 47 vjeç, dhe Endri Pera, 43 vjeç.

Të 3 këta zyrtarë u arrestuan 3 ditë më parë në Pogradec në kuadër të operacionit të koduar “Korani”.

3 zyrtarët e shoqatës së Peshkimit Pogradec akuzohen se shpërdoruan detyrën me qëllim përfitimin personal, duke detyruar peshkatarët të kryenin peshkim të paligjshëm të peshkut koran dhe më pas këtë sasi e tregtonin në lokalet e qytetit të Pogradecit, për të siguruar përfitime personale.

Gjatë kontrolleve të ushtruara në banesat e tyre u gjetën një sasi peshku e llojit koran dhe një sasi lekësh, të cilat u sekuestruan në cilësinë e provës materiale.

Mbi ta rëndon akuza e shtrëngimit me anë të kanosjes ose dhunës për dhënien e pasurisë, shpërdorim detyre si dhe tregtimi i specieve të mbrojtura të faunës dhe florës së egër.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

25 Dhjetor, 16:57