KORCE - Policia e Shtetit ka ekzekutuar sot në mbrëmje vendimin e gjykatës së Korçës për të arrestuar një ish-drejtor banke.

Me kërkesë të Prokurorisë së Korçës gjykata ka vendosur masën e sigurisë “arrest me burg” për E.Çokani ish-drejtor i një banke të nivelit të dytë në Devoll.

Çokani është akuzuar për vjedhje të bankës më shumë se një herë me pasoja të rënda dhe “falsifikim dokumentesh”.

Sipas hetimeve ka rezultuar se ky shtetas gjatë kohës që ishte drejtor banke u ka marrë rreth 25 personave shuma me vlerë totale afërsisht 945 mijë euro.

Redaksia online
(f.m/shqiptarja.com)