Dezinfektimi i shkollave, Veliaj: Gati për nisjen e vitit të ri shkollor

Kur na ndajnë vetëm pak ditë nga fillimi i vitit të ri shkollor, puna për dezinfektimin e shkollave është drejt përfundimit.

Përmes një postimi në Facebook, kryebashkiaku Erion Veliaj ka postuar disa foto nga ekipi që po merret me dezinfektimin e ambienteve që do të presin fëmijët.

Veliaj shkruan se thuajse gjithçka është gati për nisjen e procesit mësimor teksa i bën thirrje fëmijëve të kujdesen për shëndetin e tyre.

Viti i ri shkollor do të fillojë më 14 shtator.

Postimi i plotë në Facebook:

Teksa edhe shumë pak ditë na ndajnë nga fillimi i shkollës, ekipet e terrenit të Bashkisë së Tiranës po sigurohen që çdo gjë të jetë gati për të pritur fëmijët.

Ashtu siç u bë me çerdhet dhe kopshtet tashmë shkollat po dezinfektohen cep më cep që kur nxënësit të nisin mësimin të jenë sa më të sigurt në këtë kohë pandemie. 

Kryetari i Bashkisë së Tiranës Erion Veliaj ka vetëm një kërkesë për fëmijët, që të mësojnë sa më shumë dhe të kujdesen për shëndetin.

"Edhe pak ditë dhe fillon shkolla!

Ekipi po kujdeset për dezinfektimin e çdo shkolle që nxënësit të jenë më të sigurt, por gjithmonë më të kujdesshëm në këtë periudhë pandemie.

Çdo gjë është gati! Ju duhet vetëm të mësoni dhe të kujdesuni për shëndetin tuaj!", shkruan Veliaj në rrjetet sociale.

Fokusi i Bashkisë Tiranë kanë qenë dhe janë gjithmonë fëmijët, për të cilët po ndërtohen çdo ditë shkolla të reja, kopshte, çerdhe, parqe lojërash e çdo fasilitet tjetër që u nevojitet.

/Shqiptarja.com

TAG:
• erion veliaj
• viti i ri shkollor
• dezinfektimi shkollave