‘Dezinformim’, Rusia: BE gënjeu kur tha se sanksionet ndaj Moskës nuk ndikojnë në sigurinë globale të ushqimit

Zëdhënësja e ministrisë së Jashtme, Maria Zakharova, duke komentuar deklaratën e diplomatit evropian mbi marrëveshjen e grurit tha se “komuniteti botëror duhet të bëjë përgjegjës Borrellin për përhapjen e gënjeshtrave”.

Josep Borrell në deklaratën e tij të mëparshme tha se sanksionet ndaj Moskës nuk ndikojnë në sigurinë globale të ushqimit, por Rusia tha se kryediplomati i BE-së po gënjen, raportojnë mediat e huaja.

Ajo vuri në dukje se Borrell nuk i mbështeti deklaratat e tij me fakte kur tha se Rusia përfitoi nga marrëveshja e grurit të korrikut 2022 dhe argumentoi për efektin e sanksioneve të BE-së kundër Rusisë në sigurinë globale të ushqimit.

Zakharova i quajti komentet e Borrell si “dezinformata dhe të rreme”, duke thënë se përfundimi i marrëveshjes kufizon mundësitë e BE-së “për të rimbushur arkat e veta dhe pa u ndëshkuar për të përfituar nga shtetet më të cenueshme, duke u pasuruar në kurriz të tyre duke rishitur grurë të lirë ukrainas.”

Ajo i bëri thirrje BE-së që “ose të ndalojë destabilizimin e qëllimshëm të tregjeve globale të ushqimit duke futur gjithnjë e më shumë kufizime mbi produktet bujqësore ruse dhe bjelloruse, ose të ndalojë të pretendojë të jetë një ithtar i garantimit të sigurisë globale të ushqimit”.

Më 17 korrik, Rusia pezulloi pjesëmarrjen e saj në marrëveshjen e grurit të Detit të Zi, duke thënë se pjesa ruse e marrëveshjes nuk u zbatua.

Lajmi kryesor:

Lufta/ 1 dron goditi një depo fishekzjarresh afër Moskës, 1 vdekur dhe 50 të plagosur! Rusët mohojnë: Shpërthimi ndodhi për shkak të një gabimi njerëzor

S.S/Shqiptarja.com

TAG:
• BE
• Rusi