Dhimbje shpine? Më
mirë të lësh duhanin

Vesi i të pirit cigare dëmton diskun intervertebral duke favorizuar ndryshime të shtyllës kurrizore. Një studim i publikuar në “Journal of Bone & Joint Surgery” nga “University Rochester Medical Center” i New York-ut, nga Texas “University di Houston” dhe nga Florida “University di Gainesville”, ofron një arsye shumë praktike dhe të menjëhershme për të lënë duhanin si për ata që vuajnë nga dhimbja e shpinës, ashtu edhe për ata që shumë shpejt mund të vuajnë nga kjo gjë, pasi rezulton se tymi i duhanit dëmton diskun ndërvertebror dhe shkakton ndryshime të shtyllës kurrizore.

Kërkuesit, pasi kanë ndjekur për tetë muaj 5.333 persona të të dy gjinive, duhanpirësit dhe jo-duhanpirësve, kanë konstatuar se pothuajse dyfishi (32% kundër 16.6 %) i atyre që kishin braktisur zakonin e të pirit cigare, kishin një reduktim të dhimbjes së shpinës me thuajse 30 % më pak. Kishte katër grupe të subjekteve: ata që nuk kishin pirë, ata që e kishin lënë cigaren vetëm para fillimit të studimit, ata që e lanë cigaren gjatë studimit dhe ata që nuk hoqën dorë kurrë nga cigarja.

Tek jo-duhanpirësit janë paraqitur përqindjet më të ulëta të dhimbjes. Si ata që nuk kishin tymmosur kurrë, si ata që e lanë cigaren kur nisi eksperimenti (22% e totalit), përqindja e dhimbjes ishte dukshëm më e ulët se e duhanpirësve, edhe pas eleminimit të disa faktorëve që mund të ndikonin duke ngatërruar perceptimin e dhimbjes ose aftësisë së kufizuar: për shkak të dhimbjes së shpinës (faktorët onkologjikë ose mekanikë siç është hernia diskale), indeksi i masës trupore, mbipesha, mosha, seksi, stili i jetës apo marrja e ilaçeve.

Shkrimi u publikua sot në Suplementin Shëndeti në gazetën Shqiptarja.com(print), 14 shkurt 2013
(ad.ti/shqiptarja.com)